تازہ تر ین

وزیراعظم سے متحدہ عرب امارات کی سرمایہ کاری کمپنی کے وفد کی ملاقات

اسلام آباد:(ویب ڈیسک) وزیراعظم شہباز شریف سے متحدہ عرب امارات کی سرمایہ کاری کمپنی کے وفد نے ملاقات کی۔
ملاقات میں بائیو ٹیک کے چیئرمین اور یو اے ای حکمران خاندان کے رکن شیخ احمد دلموک المکتوم اور وفد نے شرکت کی، اس موقع پر گفتگو کرتے ہوئے شہباز شریف نے کہا کہ پاکستان اور متحدہ عرب امارات کے درمیان تاریخی برادرانہ تعلقات ہیں، پاکستان تجارت اور سرمایہ کاری سمیت مختلف شعبوں میں برادرانہ تعلقات کو مزید وسعت دینے کا خواہاں ہے۔
وزیراعظم نے فارماسیوٹیکل سیکٹر باالخصوص ویکسین کی تیاری میں سرمایہ کاری میں گہری دلچسپی کا خیر مقدم کیا، وزیراعظم نے غیر ملکی سرمایہ کاروں کو ہر ممکن سہولت فراہم کرنے کی یقین دہانی کرائی۔
شیخ احمد دلموک المکتوم نے کہا کہ پاکستان میں سرمایہ کاری کے وسیع مواقع سے آگاہ ہیں، متحدہ عرب امارات توانائی اور صحت کے شعبوں میں دونوں ممالک کے درمیان تعلقات کو وسعت دینا چاہتا ہے۔
شیخ احمد دلموک المکتوم نے پاکستان میں متحدہ عرب امارات کے سرمایہ کاری کے پورٹ فولیو کو مزید وسعت دینے کی خواہش کا اظہار کیا، مہمان نے وزیر اعظم کو حکومت سندھ کے تعاون سے شروع 1200 میگاواٹ کے پاور پلانٹ کے منصوبے کے بارے میں بھی بتایا۔



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv