تازہ تر ین

کرن جوہر نے شاہ رخ خان کی فلم “پٹھان” دیکھ کر تعریفوں کے پل باندھ دیئے

ممبئی: (ویب ڈیسک) بالی ووڈ کے معروف ہدایتکار و میزبان کرن جوہر نے شاہ رخ خان کی “پٹھان” کو دیکھ کر فلم کو میگا بلاک بسٹر قرار دیتے ہوئے فلم کے ہدایتکار،فلم ساز اور اداکاروں سمیت سب کی دل کھول کر تعریف کی اور انکی محنت کو سراہا۔
تفصیلات کے مطابق بالی ووڈ ہدایتکار کرن جوہر نے فوٹو اینڈ ویڈیو شیئرنگ پلیٹ فارم انسٹاگرام پر فلم کا پوسٹر شیئر کرتے ہوئے انہوں نےپوسٹ کے کیپشن میں اداکاروں سے لے کر فلم ساز آدیتیہ چوپڑا اور سلمان خان کی انٹری تک ہر ایک کی محنت اور کوشش کو سراہا۔انہوں نے فلم کو میگا بلاک بسٹر قرار دیتے ہوئے لکھا کہ “مجھے نہیں یاد کہ فلم پٹھان سے قبل میں نے کسی فلم کو اتنا انجوائے کیا۔ یہ سب سے بڑی بلاک بسٹر بلکہ میگا بلاک بسٹر فلم ہے۔فلم میں شارخ خان کا سٹار ڈم، پُرکشش ایجنٹ ڈپیکا پڈوکون اور ہینڈسم ولن جان ابراہیم کے ساتھ ساتھ سدھارت آنند کی مایانا ہدایتکاری ، فلم ساز آدیتیہ چوپڑا کی ذہانت اور سلمان خان سب کچھ ہے”۔
کرن جوہر نے شاہ رخ خان کی چار سال بعد فلموں میں واپسی پر تبصرہ کرتے ہوئے لکھا کہ “کنگ کہیں نہیں گیا تھا وہ حکمرانی کے لئے صحیح وقت کا انتظار کر رہا تھا۔انہوں نے بھارت میں جاری حالیہ بائیکاٹ ٹرینڈ اور پٹھان مخالف مہم پر تبصرہ کرتے ہوئے لکھا کہ “ہوسکتا ہے کہ آپ پر اور فلم پر الزامات لگائے گئے ہوں، اس کے بائیکاٹ کا اعلان کیا گیا ہو لیکن ایک بات واضح ہے کہ جب آپ اپنی کرنے پر آتے ہیں تو کوئی بھی آپ کے آگے کھڑا نہیں ہوسکتا۔ سب کو پٹھان مبارک ہو”۔



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv