کراچی ٹیسٹ: پاکستان ٹیم 304 رنز بنا کر آؤٹ 

کراچی: (ویب ڈیسک) انگلینڈ کے خلاف تیسرے ٹیسٹ کے پہلے روز پاکستان کرکٹ ٹیم 304 رنز بنا کر آؤٹ ہو گئی
پاکستانی بلے باز بیٹنگ وکٹ پر بھی مہمان ٹیم کے سامنے مشکلات کا شکار رہے، ٹیسٹ کرکٹ سے ریٹائرمنٹ لینے والے اظہر علی 45 رنز پر پویلین واپس لوٹ گئے۔
قومی کپتان بابر اعظم 78 رنز کے ساتھ نمایاں رہے، آغا سلمان کی بھی ففٹی مکمل ہوئی جنہوں نے 56 رنز بنائے، انگلش باؤلر جیک لیچ نے 4 شکار کیے، انگلینڈ کی جانب سے ڈیبیو ٹیسٹ کھیلنے والے 18 سالہ ریحان احمد نے 2 وکٹیں حاصل کیں۔
مہمان ٹیم انگلینڈ کےخلاف تیسرے ٹیسٹ میں پاکستان کی جانب سے فاسٹ باؤلر وسیم جونیئر نے ٹیسٹ ڈیبیو کیا جبکہ امام الحق کی جگہ شان مسعود کو ٹیم کا حصہ بنایا گیا جنہوں نے 30 رنز بنائے۔
واضح رہے کہ مہمان انگلینڈ کرکٹ ٹیم کو تین میچوں کی ٹیسٹ سیریز میں دو صفر کی فیصلہ کن برتری حاصل ہے۔