Coca-Cola içecek Pakistan نے 100فیصد ری سائیکل پلاسٹک سے تیار بوتلیں متعارف کرادیں

کراچی: (ویب ڈیسک) کوکا کولا بیوریجز پاکستان لمیٹڈ(سی سی آئی پاکستان) اور کوکا کولا کمپنی نے باہمی اشتراک سے 100 فیصد ری سائکل پلاسٹک سے بنی PETبوتلیں متعارف کرائی ہیں،جو پاکستان میں کوکا کولا کیلئے پیکیجنگ میں ایک نئی جدت ہے۔ابتدائی طور پر یہ بوتلیں سندھ میں متعارف کرائی گئی ہیں،جہاں 2.25لٹرز کی بوتلیں فوڈ گریڈ ری سائیکل پلاسٹک (rPET)کا استعمال کرتے ہوئے بنائی جائیں گی،بعد ازاں اس اقدام کو دوسرے صوبوں میں بھی متعارف کرایا جائیگا۔
Coca-Cola içecek Pakistanنے پاکستانی صوبائی فوڈ اتھارٹیز کے ساتھ ملکر کام کرتے ہوئے استعمال شدہ پلاسٹک کی بوتلیں جمع کرکے یونٹ آپریشنز میں شامل کرنے کیلئے ایک طریقہ کار بنایا ہوا ہے۔یہ طریقہ کار پلاسٹک کی مکمل صفائی اور دھلائی کو یقینی بناتا ہے اور انہیں چھوٹے ٹکڑوں میں توڑ تا ہے،جنہیں بعد ازاں کوکا کولا پاکستان کیلئے فوڈ گریڈ پیکیجنگ میں تبدیل کیا جاتا ہے۔
اس سے قبل سی سی آئی پاکستان نے2022میں اپنے”پائیداری کے عہد2030“کا اعلان کیا تھا۔اس عہد کے تحت، سی سی آئی پاکستان کا مقصد پیکیجنگ، واٹر اسٹیورڈشپ، موسمیاتی تبدیلی، انسانی حقوق، تنوع اور شمولیت اور کمیونٹی سمیت 6 زمروں کے تحت آنے والے متعدد منصوبوں کا جائزہ لینا اور انہیں شروع کرنا ہے۔
سی سی آئی پاکستان کے جنرل منیجر Ahmet Kursad Ertinنے اس کامیابی سے متعلق بات کرتے ہوئے کہا کہ”پائیداری ہمارے کاروبار کا ایک بنیادی اور ناگزیر پہلو ہے اور یہ ہمارے وژن اور اہداف میں شامل ہے، ہم اپنے تمام آپریشنز میں پائیداری کے اصولوں کو مربوط کرتے ہیں۔ RPET پیکیجنگ کا استعمال ہمارے پیکیجنگ سے متعلق عزم کو پورا کرنے کی جانب ایک قدم ہے۔ ہم اپنی مصنوعات کے لیے100فیصد rPET پیکیجنگ کو شامل کرنے پر بہت خوش ہیں،اور2030کیلئے سی سی آئی کے پائیداری کے عہد کے مطابق اپنی ذمہ داریاں جاری رکھیں گے۔“
کوکا کولا کمپنی نے ”بغیر کچرے کے دنیا“کے اپنے عزم کے تحت 2030تک اپنی پیکیجنگ میں 50فیصد ری سائیکل مواد کے استعمال کا عہد کیا ہے،فی الحال کمپنی25سے زائد مارکیٹیوں میں 100فیصد rPETبوتلیں فراہم کرتی ہے۔
کوکا کولا پاکستان کے نائب صد ر فہد اشرف کا اس حوالے سے کہنا ہے کہ”کراچی میں شروع ہونے والے اس رول آؤٹ کے ذریعے، کمپنی کا مقصد ایک لوپنگ گردشی معیشت بنانا ہے، جہاں تمام بوتلیں ری سائیکل شدہ پلاسٹک سے بنی ہوں، اور 100 فیصد ری سائیکل ہو سکتی ہوں، ایسا کرنے سے، ہم نئے پلاسٹک کی ضرورت کو کم کرتے ہیں، اور اپنے آپریشنز کے کاربن فوٹ پرنٹ کو کم کرتے ہیں۔“
ری سائیکل شدہ پلاسٹک مصنوعات متعارف کرانا،کوکا کولا کمپنی نے حال ہی میں اسلام آباد میں پاکستان کی پہلی پلاسٹک روڈ کی پہلی سالگرہ منائی،جو کہ 10 ٹن پلاسٹککے کچرے کا استعمال کرتے ہوئے بنائی گئی ہے جس نے قومی سڑکوں کو پلاسٹک کے کچرے سے دوبارہ کارپٹ کرنے کا تصور متعارف کرایا ہے۔