اسلام آباد: (ویب ڈیسک) اسلام آباد ہائیکورٹ نے یوسف رضا گیلانی کی انٹراکورٹ اپیل پر فیصلہ سنا دیا.
چیئرمین سینیٹ کے الیکشن کالعدم قراردینے سے متعلق یوسف رضا گیلانی کی اپیل مسترد ہو گئی ہے۔ یوسف رضا گیلانی نے چیئرمین سینیٹ الیکشن کالعدم قرار دینے کی اپیل دائر کر رکھی تھی۔
یوسف رضا گیلانی کی انٹراکورٹ اپیل پر 22 دسمبر 2021 کو فیصلہ محفوظ کیا گیا تھا۔ عدالت نے کچھ پہلوؤں پر مزید معاونت کیلئے کیس دوبارہ سماعت کیلئے مقرر کیا تھا۔

اسلام آباد: (ویب ڈیسک) وزیراعظم نے کہا ہے کہ بلدیاتی انتخابات کے نتائج تمام غداروں کے اپنے حلقوں میں جانے کیلئے تنبیہ ہے، خیبرپختونخوا کے عوام نے غداروں اور غیر ملکی غلاموں کو مسترد کر دیا۔
وزیراعظم عمران خان نے سماجی رابطے کی ویب سائٹ ٹویٹر پر بلدیاتی انتخابات میں کامیابی پر وزیراعلیٰ خیبرپختونخوا محمودخان کو مبارکباد دیتے ہوئے کہا کہ اپنی پی ٹی آئی کی ٹیم کو مبارکباد پیش کرتا ہوں۔

اسلام آباد: (ویب ڈیسک) وفاقی وزیر فواد چودھری کا کہنا ہے کہ سیکیورٹی اداروں کی رپورٹ کے مطابق وزیر اعظم پر قاتلانہ حملےکا منصوبہ ہے۔
فواد چودھری نے ٹوئٹ میں لکھا کہ سیکیورٹی ادارو ں کی رپورٹس کے بعد وزیر اعظم عمران خان کی سیکیورٹی میں اضافہ کر دیا گیا ہے۔

اسلام آباد: (ویب ڈیسک)
پاکستانی وزیر اعظم عمران خان کے خلاف عدم اعتماد کامیاب ہوتی ہے یا ناکام اس میں ایک روز باقی رہ گیا ہے، تاہم خیبر پختونخوا کے بلدیاتی الیکشن میں عوام نے تحریک انصان کا انتخاب کر لیا ہے۔
جس پر وفاقی وزیر منصوبہ بندی اسد عمر کا کہنا ہے کہ خیبر پختونخوا کے بلدیاتی الیکشن میں تحریک انصاف کو بھاری کامیابی ملی ہے۔
ٹوئٹر پر اسد عمر نے پوسٹ میں لکھا کہ خیبر پختون خواہ کے الیکشن میں تحریک انصاف کی بھاری کامیابی نے ثابت کردیا کے قوم اپنے غیرت مند لیڈر کے ساتھ کھڑی ہو گئی ہے.
اب فیصلہ عدم اعتماد تحریک کا نہیں ہونا، اب فیصلہ یہ ہونا ہے کے پاکستان کے عوام اپنے مستقبل کا فیصلہ کریں گے یا چند ضمیر فروش سیاست دان اور ان کے بیرونی آقا۔

کراچی: (ویب ڈیسک) کراچی پولیس نے ملیر میں کارروائی کرتے ہوئے ایک دہشت گرد کو گرفتار کر لیا جس کے قبضے سے دھماکہ خیز مواد بھی برآمد کیا گیا ہے۔
ترجمان ملیر پولیس کے مطابق دہشتگرد میر سردار خان کا تعلق کالعدم تنظیم سے ہے، ملزم سے 5 پیکٹ دھماکہ خیز مواد، ایک بیٹر، بال بیرنگ، وائر برآمد کی گئی۔ پولیس کا کہنا ہے کہ ملزم نے 2003 میں تحریک طالبان پاکستان میں شمولیت اختیار کی۔ ملزم نے 2007 میں ڈی آئی خان میں این جی او آفس پر حملے کا اعتراف بھی کیا۔
ملزم ساتھیوں کے ساتھ ایف سی فورٹ ٹینک پر حملہ کرچکا ہے۔ پولیس کا کہنا ہے کہ گرفتار دہشتگرد کی نشاندہی پر مزید کارروائیاں عمل میں لائی جائیں گی۔

اسلام آباد: (ویب ڈیسک) حکومت پاکستان نے سینئر امریکی سفارتکار کو وزارت خارجہ طلب کر کے اندرونی معاملات میں مداخلت پر شدید احتجاج کیا ہے۔
سفارتی ذرائع کے مطابق پاکستانی حکومت کو امریکی دھمکی کے معاملے پر وزارت خارجہ حکام نے امریکی سفارتکار کو احتجاجی مراسلہ تھمایا، احتجاجی مراسلے میں امریکی حکومت سے پاکستانی داخلی معاملات میں عالمی قوانین اور سفارتی آداب کے منافی مداخلت پر شدید احتجاج کیا گیا۔ امریکی سفارتکار کو قومی سلامتی کمیٹی اجلاس کی روشنی میں طلب کیا گیا۔
گذشتہ روز وزیراعظم عمران خان کی زیر صدارت قومی سلامتی کمیٹی کا 37 واں اجلاس منعقد ہوا، اجلاس میں دفاع، توانائی، اطلاعات و نشریات، داخلہ، خزانہ، انسانی حقوق، منصوبہ بندی، ترقی اور خصوصی اقدامات کے وفاقی وزراء، چیئرمین جوائنٹ چیفس آف سٹاف کمیٹی، آرمی چیف سمیت سروسز چیفس، قومی سلامتی کے مشیر اور سینئر افسران نے شرکت کی۔
اجلاس میں قومی سلامتی مشیر نے کمیٹی کو خط پر بریفنگ دی تھی، کمیٹی نے خط پر تشویش کا اظہار کرتے ہوئے اسے پاکستان کے اندورنی معاملات میں مداخلت کو ناقابل برداشت قرار دیا، حکومت نے خط کا بھرپور جواب دینے کا بھی فیصلہ کیا تھا جس پر عملدرآمد کر دیا گیا ہے۔
وزیراعظم نے مراسلے والے ملک کا ذکر کرتے ہوئے امریکا کا نام لے لیا
گذشتہ روز عمران خان نے قوم سے براہ راست خطاب کیا اور اس دوران انہوں نے خارجہ پالیسی پر بات کی۔
وزیراعظم عمران خان نے کہا میں آج آپ کے پاس یہ ساری بات کرنے کے لیے اس لیے آیا ہوں کہ ابھی ہمیں 8 مارچ یا اس سے پہلے 7 مارچ کو ہمیں امریکا نے، امریکا نہیں باہر سے ملک سے، مطلب کسی اور ملک سے پیغام آتا ہے۔
انہوں نے کہا کہ میں اس لیے پیغام کی بات کر رہا ہوں اور اسی لیے براہ راست کر رہا ہوں، یہ ایک کسی آزاد ملک کے لیے جس طرح کا ہمیں پیغام آیا ہے، یہ ہے تو وزیراعظم کے خلاف ہے لیکن دراصل یہ ہماری قوم کے خلاف ہے۔

ملتان: (ویب ڈیسک) پولیس ٹریننگ کالج ملتان میں پاسنگ آوٹ تقریب کا انعقاد کیا گیا جس میں مختلف اضلاع کے 1188 جوانوں نے نو ماہ کی تربیت کا عملی مظاہرہ کیا۔ پولیس ٹریننگ کالج ملتان میں جوانوں کا شاندار انداز پاسنگ آوٹ پریڈ کا حصہ ہے جس میں مختلف اضلاع کے 1188 جوانوں نے جوڈو کراٹے، نشانہ بازی، آگ کے گولے سے نکلنے کیساتھ ویپن ہینڈلنگ اور دہشتگردوں سے نمٹنے کی تربیت کا عملی مظاہرہ کیا جس پر پاسنگ آوٹ پریڈ میں موجود افسران نے جوانوں کی حوصلہ افزائی تالیوں کی گونج سے کی۔ پاسنگ آوٹ پریڈ کے موقع پر بٹالین کمانڈر گوہر مشاق کا کہنا تھا کہ جوانوں کی فزیکل فٹنس اور ویپن ہینڈلنگ اپنی مثال آپ ہے جس سے کرائم کی روک تھام اور تھانہ کلچر کو تبدیل کرنے میں کافی حد تک مدد ملے گی۔ پاسنگ آوٹ پریڈ میں نو ماہ کی تربیت کے دوران فزیکل فٹنس اور نشانہ بازی میں بہترین کارکردگی پر جوانوں کو تعریفی اسناد اور میڈلز بھی دئیے گئے۔