تازہ تر ین

وزیرِ اعظم عمران خان سے عامر ڈوگر کی ملاقات، قانون سازی پر گفتگو

وزیرِ اعظم عمران خان سے معاونِ خصوصی  سیاسی امور و چیف وہیپ ملک عامر ڈوگر کی ملاقات ہوئی جس میں گذشتہ روز منعقد ہونے والے قومی اسمبلی کے اجلاس اور قانون سازی پر گفتگو کی گئی۔

ملاقات میں وزیرِ اعظم نے پارٹی اور اتحادی جماعتوں کے اراکین کا اہم ملکی امور اور سپلیمنٹری فنانس بل کی منظوری پر شکریہ ادا کیا جبکہ وزیراعظم نے ملک عامر ڈوگر کی کوششوں کو بھی سراہا۔

اس موقع پر وزیرِ اعظم عمران خان نے اجلاس میں ممبران کی شرکت اور قانون سازی کے حوالے سے کارکردگی پر بھی رپورٹ طلب کی جبکہ عمران خان نے ملکی ترقی کیلئے پارلیمنٹ کے کردار کو مضبوط کرنے اور مؤثر قانون سازی کی اہمیت پر بھی زور دیا۔

وزیرِ اعظم عمران خان نے ممبران کے حلقہ جات کے مسائل کے حل، ترقیاتی بجٹ کی فراہمی اور عوامی فلاح کے منصوبوں کی معینہ مدت میں تکمیل کو یقینی بنانے کی ہدایات جاری کیں۔



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv