کیٹگری سی ممالک سے پاکستانیوں کو 31 دسمبر تک بغیر استثنیٰ سرٹیفکیٹ آنے کی اجازت

سول ایوی ایشن اتھارٹی نے بیرون ممالک سے پاکستان آنے والے مسافروں کیلئے نیا سفری ہدایت نامہ جاری کر دیا۔ کیٹگری سی ممالک میں مقیم پاکستانیوں کو اکتیس دسمبر تک بغیر استثنیٰ سرٹیفکیٹ پاکستان آنے کی اجازت مل گئی۔
سول ایوی ایشن اتھارٹی کے مطابق پاکستانی پاسپورٹ، نائیکوپ،پاکستان اوریجن کارڈ رکھنے والے مسافروں کی سہولت کیلئے فیصلہ کیا گیا۔ سول ایوی ایشن اتھارٹی نے متعلقہ حکام کو مراسلہ ارسال کر دیا جس کے مطابق کیٹگری سی ممالک میں مقیم پاکستانیوں کو اکتیس دسمبر تک بغیر استثنیٰ سرٹیفکیٹ پاکستان آنے کی اجازت ہوگی۔
سی اے اے کا کہنا ہے کہ اٹھارہ سال تک کے مسافروں کیلئے لازمی مکمل ویکسی نیشن بھی یکم دسمبر دو ہزار اکیس کی بجائے اکتیس جنوری دوہزار بائیس تک بڑھادی گئی۔