وزیرمملکت فرخ حبیب نے کہا ہے کہ وزیراعظم نے جووعدے کیے وہ پورے ہورہے ہیں۔

  تفصیلات کے مطابق وزیرمملکت فرخ حبیب نے کہا ہے کہ بقول وزیراعظم اندھیرے کا وقت چلا گیا ہے۔ آج موٹرویز،ایئرپورٹ گروی نہیں رکھوانےپڑیں گے، پاکستان کی عوام اور صنعتوں کو سستی بجلی کی ضرورت ہے۔

انہوں نے مزید کہا کہ  مہمند ڈیم کا آئیڈیا1963 میں دیاگیا تھا اور اس طرح کے  10ڈیمز اگلے10 سال میں بننے جارہےہیں۔ جن سے کسانوں کو فائدہ ہو گا۔

وزیرمملکت نے کہا کہ پانی کے معاملے پر وزیر اعظم تمام صوبوں کو ساتھ لیکر چلناچاہتے ہیں۔

 فرخ حبیب نے یہ بھی کہا کہ ماضی میں پانی کو ذخیرہ کرنے کیلئے کوئی اقدامات نہیں کیے گئے، وزیراعظم وہ اقدامات کررہےہیں جو پچھلی حکومتوں کو کرنے چاہیےتھے۔