تازہ تر ین

نیوزی لینڈ میں نئے سال کا جشن شروع

نیوزی لینڈ کے شہری ملک بھر میں سال 2020 کو الوداع اور 2021 کا استقبال کر رہے ہیں، جس کے لیے مختلف مقامات پر جمع ہوگئے ہیں۔

این زی ہیرالڈ کی رپورٹ کے مطابق ہزاروں افراد آکلینڈ کے وسطی علاقے وکٹوریا ویسٹ میں جمع ہوگئے ہیں اور اسکائی ٹاور میں ہونے والی آتش بازی سے محظوظ ہو رہے ہیں۔

اسکائی ٹاور کے گرد جمع شہریوں نے نئے سال کے آغاز سے 15 منٹ پہلے ہی جشن منانا شروع کردیا۔

اسکائی ٹاور کو مختلف رنگ برنگی روشنیوں سے سجایا گیا تھا اور اطراف میں موسیقی کی آواز بھی بلند ہورہی تھی جہاں مقامی گلوکار براہ راست گا رہے تھے۔

نیوزی لینڈ کے مشہور ہاربر برج کو بھی روشنیوں سے سجایا گیا ہے اور دیگر عمارتیں بھی ٹمٹما رہی ہیں۔

میونسپل کارپوریشن کے مطابق لوگوں کی ایک بڑی تعداد جمع ہوگئی ہے اور نیا سال شروع ہونے کے باوجود شہری جمع ہو رہے ہیں۔

ان کا کہنا تھا کہ ہمارے لیے خوشی کی بات ہے کہ ہم نیوزی لینڈ میں اس طرح نئے سال کا جشن منا رہے ہیں اور یہ ہماری خوش قسمتی ہے جس کے لیے ہم نے کوشش بھی کی ہے۔

نیوزی لینڈ کے ساحلوں پر بھی آتش بازی کا سلسلہ جاری ہے اور حکام کے مطابق سب کچھ معمول کے مطابق ہو رہا ہے اور کوئی ناخوش گوار واقعے رپورٹ نہیں ہوا۔

ونگاماٹا سرف کلب میں پولیس کو طلب کر لیا گیا ہے جہاں ہزاروں نوجوان جمع ہیں اور کئی نوجوانوں کے ہاتھ میں بوتلیں اور دیگر اشیا ہیں اور اسی طرح سیلو پارک میں بھی سیکڑوں افراد موجود ہیں۔

آکلینڈ میں تقریبات کے منتظم ہمیش کلارک کا کہنا تھا کہ کارکنوں کے مطابق گزشتہ برس کے مقابلے میں اس سال شہریوں کی تعداد بہت زیادہ ہے۔

ان کا کہنا تھا کہ لوگ کھلی فضا میں موجود ہیں اور اس دباؤ کے سال کو الوداع کرنا چاہتا ہیں۔

کلارک نے کہا کہ تمام تقریبات گھریلو ماحول میں ہورہی ہیں جو بہت شان دار ہے اور ہم ایسا ہی چاہتے تھے جو لوگوں کو جمع کرنے کا ایک ذریعہ ہے۔



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv