پاکستان نے افغان شہر بامیان میں دہشتگرد حملے کی شدید الفاظ میں مذمت کی ہے۔
ترجمان دفتر خارجہ زاہد حفیظ چوہدری کا کہنا ہےکہ افغان شہر بامیان میں دہشتگرد حملے کی مذمت کرتے ہیں ۔
ترجمان دفتر خارجہ نے کہا کہ بامیان حملے میں قیمتی انسانی جانوں کے ضیاع پر اظہارِ افسوس ہے ،زخمیوں کی جلد صحتیابی کے لیے دعاگو ہیں ۔
زاہد حفیظ چوہدری نے کہا کہ جیسے ہی افغان امن عمل میں مثبت پیش رفت ہو رہی ہے حملوں میں شدت آنا باعثِ تشویش ہے ۔
انہوں نے مزید کہا کہ عوامی مقامات اور تعلیمی اداروں پر حملوں سے امن عمل کو نقصان پہنچانے کی کوشش کی جا رہی ہے ۔ ہمیں اس سلسلے میں چوکنا رہنے کی ضرورت ہے ۔
واضح رہے کہ گذشتہ روزافغانستان کے شہر بامیان میں مبینہ طور 2 بم دھماکوں میں کم از کم 14 افراد جاں بحق ہوےتھے۔
