تازہ تر ین

فیصل آباد میں سیوریج کا نظام تباہ، شہریوں نے گٹروں پر منتخب اراکین کی تصاویر لگا دیں

ملک کے تیسرے بڑے شہر فیصل آباد کی گلیوں میں گٹر ابلنے لگے جس نے شہریوں کا جینا محال کر دیا۔

فیصل آباد کے شہری علاقوں کی گلیاں کئی ماہ سے سیوریج کے پانی میں ڈوبی ہوئی ہیں۔

علاقہ مکینوں کا کہنا ہے کہ بدبودار پانی کی وجہ بچے اور بوڑھے گھروں میں قید ہیں جب کہ گندگی کی وجہ سے مہمانوں نے گھروں میں آنا بھی چھوڑ دیا ہے۔

شہریوں کا کہنا ہے کہ سیوریج نظام ٹھیک کرنے کوئی آتا نہیں، علاقہ اتنا پریشان ہے کوئی کسی کو مہمان بھی نہیں بلوا سکتا ہے اور اگر کوئی مہمان آنا چاہے وہ بھی گندگی کی وجہ سے نہیں آسکتا۔

ایک شہری کا بتانا ہے کہ سیوریج کا مسئلہ کافی عرصے سے چل رہا ہے، ہمارے گھروں میں رات میں اتنا پانی جمع ہو جاتا ہے کہ بدبو آنا شروع ہو جاتی ہے، بدبو کی وجہ سے نیند نہیں آتی اور گندگی کی وجہ سے بچے بیمار بھی ہو جاتے ہیں۔

علاقہ مکینوں کا کہنا ہے کہ ان مشکل حالات میں منتخب نمائندے بھی غائب ہو گئے ہیں۔

بدبو اور تعفن سے تنگ شہریوں نے ابلتے گٹروں پر مفرور ارکان اسمبلی کی تصاویر لگا دیں۔

چیئرمین واسا کا کہنا ہے کہ سمن آباد کے علاقے میں سوریج کے مرکزی لائن بند ہونے کی وجہ سے کئی علاقوں کی گلیوں میں پانی کھڑا ہونے کی شکایات ہیں، اس مسئلے کو حل کرنے کے لیے واسا کی ٹیمیں کام کر رہی ہیں، جلد اس مسلے کو حل کر لیا جائے گا۔



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv