لاہور(نیٹ نیوز) پاکستان کرکٹ ٹیم کے سابق پتان اور آل راﺅنڈر شاہدخان آفریدی کے ہاں پانچویں بیٹی کی پیدائش ہوئی ہے۔تفصیلات کے مطابق پاکستان کرکٹ ٹیم کے سابق کپتان شاہد آفریدی پانچویں بیٹی کے باپ بن گئے ہیں، سماجی رابطوںکی ویب سائٹ پر پیغام میں شاہد آفریدی نے بتایا کہ اللہ تعالی کی لازوال رحمتیں مجھ پر ہیں، میرے گھر میں ایک اور ننھی پری کی آمد ہوئی ہے۔ اپنی بیٹیوں کے ساتھ شیئر کی گئی تصویر کے کیپشن میں انہوں نے لکھا کہ میں یہ خوشی کی خبر اپنے چاہنے والوں کے ساتھ شیئر کر رہا ہوں۔ سوشل میڈیا پر تصویر آنے کے بعد شاہد آفریدی کے مداحوں کی جانب سے مبارک باد کا سلسلہ شروع ہوگیا۔ یاد رہے کہ شاہد آفریدی کی پانچویں بیٹی سے قبل چار بیٹیاں عجوہ آفریدی، اقصیٰ آفریدی، انشا آفریدی، اسمارا آفریدی ہیں۔