اسلام آباد (مانیٹرنگ ڈیسک)پاکستان مسلم لیگ ن اور ق کے درمیان باضابطہ رابطہ ،نواز شریف کی جانب سے ق لیگ کی قیادت کا کریہ، سابق سپیکر قومی اسمبلی سردار ایاز صادق نے ق لیگ کے سربراہ چوہدری شجاعت حسین کی رہائش گاہ پر ان کی عیادت کی، میاں نواز شریف کی جانب سے شکریہ ادا کرتے ہوئے نیک خواہشات اور درازی عمر کی دعا پر مشتمل خیر سگالی کا پیغام پہنچایا، اس موقع پر سپیکر پنجاب اسمبلی چوہدری پرویز الہی، مونس الہی، شافع اور سالک حسین بھی موجود تھے، با وثوق ذدائع کے مطابق، ملاقات کے دوران ملکی سیاسی صورتحال پر تبادلہ خیال کرتے ہوئے چوہدری شجاعت حسین نے سردار ایاز صادق کے ایک گلے پر ق لیگ کے راہنما و وفاقی وزیر طارق بشیر چیمہ کو ٹیلیفون کال کرکے وضاحت بھی مانگی، جبکہ آئندہ مسلم لیگ ن کے پارلیمانی اراکین سے رابطے بڑھانے کی تلقین کی.چوہدری شجاعت حسین نے میاں نواز کی صحت بارے دریافت کیا اور ان کی صحت کے حوالے سے آگاہ رکھنے کی تلقین کی، ذرائع کے مطابق سردار ایاز صادق نے ملاقات کے حوالے سے ن لیگ کی مرکزی قیادت کو تفصیلات سے آگاہ کیا، متذکرہ ملاقات کے حوالے سے اپوزیشن کی راہبر کمیٹی کے اجلاس میں بعض سیاسی رہنماﺅں نے سردار ایاز صادق کو رابطے بحال ہونے، اور مستقبل قریب میں قربت بڑھنے کے حوالے سے مسکراتے ہوئے دلچسپ جملے بھی کہے۔
