تازہ تر ین

اے ٹی ایم سے کارڈ چوری کے دوران کیمروں کو زبان چڑھانے والا ملزم گرفتار

لاہور (ویب ڈیسک)پنجاب پولیس نے اے ٹی ایم میں چوری کے دوران ‘عجیب حرکتیں’ کرکے سوشل میڈیا پر مشہور ہونے والے گوجرانوالہ کے چور اور نوسر باز کو رحیم یار خان سے گرفتار کرلیا گیا۔خیال رہے کہ کچھ روز قبل سماجی رابطوں کی ویب سائٹ پر ایک ویڈیو وائل ہوئی، جس میں ایک شخص کو فیصل آباد میں ایک آٹومیٹک ٹیلر مشین (اے ٹی ایم) کو توڑنے کے بعد اس میں سے کارڈ چوری کرتے ہوئے دیکھا گیا تھا۔تاہم اسی دوران اس شخص نے بوتھ کے کنارے پر لگے کیمرے اور اے ٹی ایم مشین میں نصب کیمرے کو زبان بھی چڑائی تھی۔بعد ازاں جمعہ کو یہ شخص رحیم یار خان میں شاہی روڈ پر حبیب بینک لمیٹڈ کے اے ٹی ایم بوتھ میں داخل ہوا اور جب وہ مشین کے بیرونی حصے کو توڑنے میں مصروف تھا تب ہی اسے دیگر صارفین کی جانب سے رنگے ہاتھوں پکڑ لیا گیا۔اس حوالے سے ضلعی پولیس افسر کے ترجمان ذیشان رندھاوا نے بتایا کہ چور کی شناخت صلاح الدین ایوبی کے نام سے ہوئی اور وہ گوجرانوالہ کے ضلع کامونکے کا رہائشی ہے۔ذیشان رندھاوا نے میڈیا کو بتایا کہ ملزم نے ماضی میں گوجرانوالہ، گجرات، شیخوپورہ، فیصل آباد اور اسلام آباد سمیت دیگر شہروں میں متعدد اے ٹی ایم توڑے اور وہ ہر واردات کے بعد طویل عرصے تک روپوش رہتا تھا۔انہوں نے بتایا کہ ملزم کو 3 مرتبہ پہلے بھی گرفتار کیا گیا لیکن بعد میں خود کو گونگے کے طور پر ظاہر کرنے پر اسے چھوڑ دیا گیا تھا۔ ترجمان نے بتایا کہ ‘گزشتہ روز جب لوگوں نے صلاح الدین ایوبی کو پولیس کے حوالے کیا تو ابتدائی طور پر یہ تاثر ڈالا گیا کہ وہ بولنے سے محروم ہے لیکن بعد ازاں تفتیش کاروں کے سامنے اس نے بیان دیا’۔علاوہ ازیں پولیس نے ملزم کے خلاف تعزیرات پاکستان کی دفعہ 411، 427، 454 اور 380 کے تحت مقدمہ درج کرلیا۔



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv