لاہور (اپنے نمائندے سے) کابینہ کے اجلاس میں پشاور سے تعلق رکھنے والے ایک وزیر نے وزیراعظم عمران خان سے شکایت کی کہ خیبرپختونخوا حکومت نے نان بائیوں سے مل کر نان کی قیمت 15روپے مقرر کردی ہے جس پر ایک سینئر وزیر نے کہا کہ کرنے والی بات کرو یہ کوئی وزیراعظم سے کرنی والی بات ہے۔ جس پر عمران خان نے کہا کہ وزیراعظم سے کرنے والی بات ہے اگر حکومت بھوک اور گھر کی چھت کیلئے کچھ نہیں کرسکتی تو پھر ہمیں رہنے کا حق نہیں۔
