لاہور (وقا ئع نگار) سی پی این ای اسلام آباد کے نائب صدر معروف صحافی کالم نگار اورروزنامہ طا قت کے چیف ایڈیٹر رحمت علی رازی انتقال کر گئے۔ بتایا گیا ہے کہ وہ فیصل آباد میں اپنے بیٹے کے ہمراہ ایک شادی کی تقریب میں شرکت کے بعد لاہور واپس آ رہے تھے کہ انہیں اچانک دل کا دورہ پڑا انہیں فوری طور پر اتفاق ہسپتال لے جایا گیا جہاں وہ جانبر نہ ہو سکے۔ مرحوم نے پسماندگان میں بیوہ‘ 2بیٹیاں اور 2بیٹے چھوڑے ہیں۔ مرحوم کی نمازجنازہ کا اعلان بعد میں ہو گا۔ مرحوم کی بیٹیاں بیرون ملک مقیم ہیں۔