تازہ تر ین

سعودی ولی عہد کا دورہ پاکستان، ایک ہزار سے زائد شخصیات بھی آئینگی،وزیراعظم ہاو¿س کی تزئین وآرائش شروع

اسلام آباد:(ویب ڈیسک) سعودی ولی عہد شہزادہ محمد بن سلمان دورہ پاکستان کے دوران وزیراعظم ہاو¿س میں قیام کریں گے جس کی تزئین وآرائش کا کام جاری ہے۔ذرائع کے مطابق سعودی ولی عہد شہزادہ محمد بن سلمان 17 فروری کی سہ پہر پاکستان آئیں گے، وزیراعظم عمران خان ایئر پورٹ پر سعودی ولی عہد کا استقبال کریں گے جب کہ سعودی ولی عہد وزیراعظم ہاو¿س میں قیام کریں گے، وزیراعظم ہاو¿س کی تزئین وآرائش کا کام بھی جاری ہے۔ذرائع کا کہنا ہے کہ سعودی ولی عہد آئل ریفائنری سمیت مختلف مفاہمتی یادداشتوں پر دستخط کریں گے، سعودی ولی عہد کے ہمراہ ایک ہزار سے زائد شخصیات بھی پاکستان آرہی ہیں، ان شخصیات کے قیام کے لیے اسلام آباد کے دونوں بڑے ہوٹل اور پنجاب ہاو¿س کو مختص کیا جارہا ہے۔ذرائع کے مطابق سعودی ولی عہد کے ہمراہ اعلیٰ سطح کے وفود بھی پاکستان آرہے ہیں، اعلیٰ سطح کے وفود پاکستان میں سرمایہ کاری کریں گے، پاکستان میں سرمایہ کاری کے حوالے سے سعودی سفیر نواف بن سعید المالکی اہم کردار اداکررہے ہیں، سعودی ولی عہد کی پاکستان آمد پر سیکیورٹی کے بھی سخت انتظامات کیے گئے ہیں۔ذرائع کا کہنا ہے کہ سعودی ولی عہد کے ہمراہ آنے والے وفود کی سیکیورٹی کے لیے فول پروف سیکیورٹی انتظامات کیے جارہے ہیں جب کہ وزارت داخلہ، وزارت خارجہ تمام سیکیورٹی امور کو دیکھ رہے ہیں۔



خاص خبریں



سائنس اور ٹیکنالوجی


atomic-blast

تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv