لاہور(آئی این پی)پاکستان سپر لیگ سیزن 4کوکرپشن سے پاک رکھنے کیلئے دوعارضی اینٹیگریٹی افسر بھرتی کرنے کا فیصلہ کر لیا جس کیلئے اشتہار بھی جاری کردیا گیا ۔آرمی کے ریٹائرڈ لیفٹیننٹ کرنل افسر اس عہدے کے لئے اہل ہوں گے، اینٹیلیجنس کورس اور متعلقہ تجربہ رکھنے والے امیدواروں کو ترجیح دی جائے گی،نظم و ضبط کی خلاف ورزی پر نوکری سے برخاست کیے جانے والوں کو زیر غور نہیں لایا جائے گا۔ درخواستیں جمع کرانے کیلئے آخری تاریخ 22 نومبر مقرر کی گئی ہے، عارضی طور پر بھرتی کئے جانے والے اینٹیگریٹی افسر یو اے ای اور پاکستان میں میچز کی نگرانی کریں گے۔
