کراچی(مانیٹرنگ ڈیسک) اورنگی ٹاو¿ن کا رہائشی عبدالقادر گھر بیٹھے ارب پتی بن گیا ہے، اسے معلوم ہی نہیں اس کے نام پر اکاو¿نٹ بنا اور اس میں 2 ارب 25کروڑ روپے بھی آگئے، اورنگی کے رہائشی عبدالقادر سڑک پر ریڑھی لگا کر فالودہ فروخت کرتے ہیں، انکو ایف آئی اے نے طلب کرکے بتایا ہے کہ آپ کے اکاو¿نٹ میں کسی نے 2ارب روپے منتقل کئے ہیں، متعلقہ آدمی نے بتایا کہ وہ کام پر تھے، بھائی کا فون آیا کہ گھر پر آپ کے نام ایف آئی اے کا خط آیا ہے جس میں فیڈرل انوسٹی گیشن ایجنسی نے آپ کو اپنے دفتر طلب کیا ہے ، جب وہ ایف آئی اے کے دفتر پہنچے تو پوچھا گیا کہ کیا کام کرتے ہو ؟ جس پر میں نے بتایا کہ فالودہ بیچتا ہوں، ایف آئی اے حکام نے استفسار کیا کہ اکاو¿نٹ میں 225کروڑ روپے کہاں سے آئے؟ جس پر کہا کہ مجھے اسکا علم نہیں، میں انگوٹھا چھاپ ہوں جبکہ اکاو¿نٹ کھولنے کیلئے انگریزی میں دستخط کئے گئے ہیں، عبدالقادر نے مزید کہا کہ ایف آئی اے والے ہر وقت یہاں آکر پوچھ گچھ کرتے ہیں، جسکی وجہ سے کام کرنے میں شدید مشکلات کا سامنا ہے ، دوسری جانب عبدالقادرکی حفاظت کیلئے بھی 4پولیس اہلکار انکے گھر کے باہر تعینات کردیئے گئے ہیں، واضح رہے کہ سٹیٹ بنک آف پاکستان نے بھی بنک اکاو¿نٹ میں سوا دو ارب روپے کسی ٹرانزکشن کا نوٹس لے لیا ہے ، مرکزی بنک کا کہنا ہے کہ ایف آئی اے نے مدد مانگی تو تعاون کیلئے تیار ہیں۔پولیس حکام کا کہنا ہے ہ ایف آئی اے حکام ہی اس معاملے کی تصدیق کرسکتے ہیں، جبکہ ایف آئی اے حکام کا کہنا ہے کہ چونکہ بے نامی اکاو¿نٹ کے حوالے سے جے آئی ٹی کام کررہی ہے تو وہی اس معاملے کی تصدیق کرسکتی ہے ۔

اسلام آباد(مانیٹرنگ ڈیسک)وزیراعظم نے ضمنی انتخابات میں پارٹی امیدواروں کو اپنی انتخابی مہم خود چلانے کی ہدایت کردی، عمران خان کا کہنا ہے کہ حکومت سے ضمنی الیکشنز میں مداخلت کی توقع نہ رکھی جائے۔وزیراعظم عمران خان کی زیرصدارت بنی گالہ میں ضمنی انتخابات کی تیاریوں سے متعلق اجلاس ہوا۔ جس میں ضمنی الیکشنز میں حصہ لینے والے تحریک انصاف کے قومی اور صوبائی اسمبلی کے امیدواران شریک ہوئے۔ اجلاس میں امیدواروں نے عمران خان کے سامنے شکایات کے انبار لگا دیے۔ حلقہ این اے 131 لاہور کے امیدوار ہمایوں اختر نے ضمنی انتخاب میں پولیس اور بیوروکریسی کی مداخلت کی شکایت کی۔ ان کا کہنا تھا کہ ن لیگ کے حامی افسران انتخابی مہم پر اثرانداز ہونے کی کوشش کررہے ہیں۔وزیراعظم کا کہنا تھا کہ حکومت سے ضمنی انتخابات میں مداخلت کی امید نہ رکھیں، امیدوار ڈور ٹو ڈور اپنی انتخابی مہم خود چلائیں اور پارٹی کا پیغام پہنچائیں۔ حکومت ضمنی انتخابات میں کسی حلقے پر اثر انداز ہوگی نہ مداخلت کرے گی۔ وزیراعظم نے ہر امیدوار سے فردا فردا اس کی انتخابی مہم کے بارے میں بھی دریافت کیا۔وزیراعظم عمران خان نے سیاحت کے فروغ کے لیے ٹاسک فورس قائم کرنے کا حکم دیتے ہوئے تمام صوبوں سے ایک ہفتے میں سیاحت کے فروغ سے متعلق تجاویزمانگ لیں اور ٹاسک فورس کے ٹی او آر ز کو مدنظر رکھتے ہوئے جامع پلان اور مقرر کردہ اہداف کےلئے ٹائم فریم مرتب کرنے کی ہدایت بھی کی، وزیراعظم نے کہاکہ صوبائی سطح پر سیاحت کے فروغ میں حائل تمام رکاوٹوں کی نشاندہی کی جائے تاکہ وفاق کی جانب سے ان رکاوٹوں کا قابل عمل حل تلاش کرنے میں معاونت فراہم کی جا سکے،سیاحت کا فروغ صوبائی ذمہ داری ہے تاہم وفاقی حکومت سیاحت کے فروغ میں حائل رکاوٹوں کو دور کرنے اور صوبوں کی استعداد بڑھانے میں ہر ممکنہ مدد فراہم کرے گی ، ٹورازم، مذہبی سیاحت اور ایڈونچر سیاحت کے فروغ کے ساتھ ساتھ ٹورارسٹ ریزارٹ کے قیام پر خصوصی توجہ دینے کی ضرورت ہے، سیاحت کے فروغ کے لئے ایک مفصل اور جامع پالیسی تشکیل دی جائے گی۔ہفتہ کو وزیراعظم عمران خان کی زیر صدارت ٹورازم ٹاسک فورس کا اجلاس ہوا۔ اجلاس میں متعلقہ صوبائی وزرا یاسر ہمایوں، محمد عاطف، عبدالخالق ہزارہ، مشتاق منہاس وزیر برائے سیاحت آزاد جموں و کشمیر،وفاقی و صوبائی سیکریٹریز، علی توقیر شاہ، وقار ذکریا، سراج الملک، ذوالفقار علی خان ودیگر نے شرکت کی۔وزیر اعظم عمران خان نے ٹاسک فورس میں شامل تمام صوبائی نمائندگان کو اپنے اپنے صوبوں اور علاقوں میں نئے سیاحتی مراکز کے قیام کی غرض سے ممکنہ مقامات کی ایک ہفتے میں نشاندہی کرنے اور آئندہ ایک ہفتے میں تمام صوبائی حکومتیں اور متعلقہ محکمے بشمول آزاد جموں کشمیراور گلگت بلتستان ٹاسک فورس کے ٹی او آر ز کو مدنظر رکھتے ہوئے جامع پلان اور مقرر کردہ اہداف کےلئے ٹائم فریم مرتب کرنے کی ہدایت کی۔ اجلاس سے خطاب کرتے ہوئے وزیراعظم عمران خان نے کہا کہ صوبائی سطح پر سیاحت کے فروغ میں حائل تمام رکاوٹوں کی نشاندہی کی جائے تاکہ وفاق کی جانب سے ان رکاوٹوں کا قابل عمل حل تلاش کرنے میں معاونت فراہم کی جا سکے،سیاحت کا فروغ صوبائی ذمہ داری ہے تاہم وفاقی حکومت سیاحت کے فروغ میں حائل رکاوٹوں کو دور کرنے اور صوبوں کی استعداد بڑھانے میں ہر ممکنہ مدد فراہم کرے گی۔ انہوں نے کہا کہ ایکو ٹورازم، مذہبی سیاحت اور ایڈونچر سیاحت کے فروغ کے ساتھ ساتھ ٹورارسٹ ریزارٹ کے قیام پر خصوصی توجہ دینے کی ضرورت ہے، سیاحت کے فروغ کے لئے ایک مفصل اور جامع پالیسی تشکیل دی جائے گی تاکہ سیاحت سے منسلک تمام شعبے اس پالیسی سے استفادہ حاصل کریں اوراس شعبے کو مزید مستحکم بنایا جاسکے اور ملک میں موجود سرکاری ریسٹ ہاسزکا انتظام ایک شفاف طریقے اور پہلے سے طے شدہ طریقہ کارکے تحت نجی شعبے کے حوالے کرنے سے جہاں سیاحت کو فروغ ملے گا وہاں ان اثاثوں کا صحیح استعمال بھی یقینی بنایا جاسکے گا۔ وزیراعظم عمران خان نے کہا کہ ملک کے طول و ارض میں پھیلے سینکڑوں سیاحتی مقامات خصوصا شمالی علاقہ جات، ساحلی علاقوں، مذہبی مقامات، موہنجو داڑو جیسے تاریخی مقامات پر توجہ سے ملک کے لاکھوں نوجوانوں کو روزگار میسر آئے گا،جدید ٹیکنالوجی اور خصوصا سوشل میڈیا کو بروئے کار لا کر ملک کے سیاحتی پوٹینشل کو باآسانی ملک بھر اور عالمی سطح پر اجاگر کیا جا سکتا ہے۔اس موقع پر وزیر اعظم کوصوبائی وزرا اور صوبائی حکومتوں کی جانب سے سیاحت کےلئے کئے جانے والے اقدامات پر بریفنگ بھی دی گئی۔اس موقع پر وزیراعظم نے کہا کہ اپنے صوبوں میں سیاحتی مقامات کی نشان دہی کریں، پاکستان سیاحتی مقامات سے مالا مال ملک ہے۔وزیراعظم عمران خان نے کہا کہ سیاحت کے فروغ سے مقامی افراد کو بھی فائدہ ہوگا، بیش تر ممالک سیاحت سے ریوینیو حاصل کرتے ہیں۔

مری (این این آئی)مسلم لیگ (ن)کے قائد سابق وزیر اعظم نواز شریف نے مری میں تعزیت کیلئے آنے والے لیگی کارکنوں سے گفتگو کرتے ہوئے کہا ہے کہ امید ہے خدا ہمارے ساتھ انصاف ضرور کریگا۔سابق وزیراعظم نواز شریف نے کہا ہے کہ بیگم کلثوم نواز مضبوط اعصاب کی مالک خاتون تھیں، لندن روانگی کے وقت نم آنکھوں کے ساتھ ہمیں دیکھا، بیماری کے دوران اور سانسوں کی رخصتی کے وقت ہم انکے ساتھ نہیں تھے، یہ دکھ زندگی بھر رہے گا۔ اللہ تعالیٰ کی ذات یہ سب کچھ دیکھ رہی ہے اور مجھے امید ہے رب العزت ہمارے ساتھ انصاف ضرور کرینگے۔لیگی عہدیداروں نے نواز شریف سے تعزیت کرتے ہوئے بیگم کلثوم نواز کی مغفرت اور درجات کی بلندی کیلئے دعا کی۔اس موقع پر میاں محمد نوازشریف نے تعزیت کرنے کیلئے آنے والوں کا شکریہ ادا کیا۔

لاہور (کورٹ رپورٹر) چیف جسٹس آف پاکستان کی سربراہی میں دو رکنی بنچ نے سابق سی سی پی او امین وینس کا آفس میں پراپرٹی اونے پونے داموں فروخت کے معاملہ پر اکبری سٹورز کی چار برانچوں کا تمام ریکارڈ طلب کر لیا ۔ عدالت نے سابق سی سی پی او امین وینس اور عمر ورک کے خلاف انکوائری کا حکم دے دیا ۔چیف جسٹس نے امین وینس اور عمر ورک کو انکوائری تک معطل کردیا ۔ فاضل چیف جسٹس نے ریمارکس دیئے کہ جو پولیس افسران وردی میں بندے مارتے ہیں ان کا حساب لینے کے لیے اللہ نے مجھے عہدہ دیا ۔ چیف جسٹس نے عمر ورک پر برہمی کا اظہار کرتے ہوئے کہا کہ عمر ورک آپ ابھی تک میری ڈکیتی کا ملزم تو پکڑ نہیں سکے ۔ مجھے معلوم ہے آپ کن وجوہات کی بنا پر اس مقام تک پہنچے ۔ فاضل چیف جسٹس نے دوران سماعت ریمارکس دیئے کہ مالدار شخص مرا تو سارے مامے چاچے اور کزن بن کر مال کھانے کے لیے گدھ بن گئے ۔اس ملک میں کیا یہ انصاف ہو رہا ہے ۔جس کے ہاتھ جو آیا لوٹ لے کھا گیا ۔ لوگ کہتے ہیں عمر ورک بندے مار دیتا ہے ۔ شہر ہر بڑے تنازعہ میں عمر ورک کا ہی نام کیوں آتا ہے ۔ عمر ورک نے بتایا کہ اکبری سٹور میں سی سی پی او امین وینس کے کہنے پر مداخلت کی ۔ عدالت نے اسٹور کے شیئر ہولڈر سابق چیف انجینئر شوکت شاہین سمیت دیگر کے اثاثوں کا ریکارڈ طلب کر لیا۔ چیف جسٹسں پاکستان جسٹس ثاقب نثار نے پنجاب بھر کی پرائیویٹ یونیورسٹیوں سے متعلق ازخود نوٹس لے کر ایڈووکیٹ جنرل پنجاب کو یونیورسٹیوں اور ملحقہ کالجز کی تفصیلات پیش کرنے کا حکم دے دیا۔چیف جسٹس ثاقب نثار کی سربراہی میں سپریم کورٹ کے2 رکنی بنچ نے لاہور رجسٹری میںنجی یونیورسٹی کے ملحقہ کالج کے طلبہ کو ڈگری نہ ملنے کے کیس کی سماعت کے دوران ازخود نوٹس لیا۔سماعت کے دوران ہائیر ایجوکیشن کمیشن کی جانب سے مو¿قف اختیار کیا گیا کہ نجی یونیورسٹی نے بغیر اجازت کالجز کے ساتھ الحاق کیا۔ہائر ایجوکیشن کمیشن کا مزید کہنا تھا کہ ‘صرف ڈگری نہیں، ادارے میں اساتذہ کا ہونا بھی ضروری ہے، اس موقع پر چیف جسٹس نے ریمارکس دیئے کہ لوگوں کے ساتھ فراڈ کر رہے ہیں جبکہ تعلیم کا بیڑا غرق کر دیا گیا ہے، نجی یونیورسٹیوں کی جانب سے دکھاوے کے بورڈ لگا دیئے جہاں غیر معیاری تعلیم دی جا رہی ہے۔ چیف جسٹس نے استفسار کیا کہ ‘بتایا جائے یہ یونیورسٹیاں کب سے کام کر رہی ہیں اور فیس کیا لیتی ہیں؟اس کے ساتھ ہی جسٹس ثاقب نثار نے کہا کہ خلافِ قانون کیمپس کھولنے پر فوجداری مقدمات درج کیے جائیں گے اور میں دیکھوں گا کہ کون اب ان کی ضمانت لیتا ہے۔چیف جسٹس نے مزید ریمارکس دئیے کہ چند پیسوں کی خاطر آپ لوگوں نے تعلیم کو برباد کر دیا، چیف جسٹس نے اسفتسار کیاکہ یونیورسٹیاں کب سے کام کر رہی ہیں اور فیس کیا لیتی ہیں؟،چیف جسٹس نے ریمارکس دیئے کہ یہ لوگوں کے ساتھ فراڈ کر رہے ہیں، انہوں نے تعلیم کا بیڑا غرق کر دیا ہے، عدالت نے قرار دیا کہ ہائر ایجوکیشن کمیشن نے نجی یونیورسٹیوں کو نوٹس دے کر آنکھیں بند کر لیںہیں لیکن اب بچوں کے مستقبل کا عدالت جائزہ لے گی، ڈگریاں نہ ملنے پر طالبعلم سڑکوں پر خوار ہو رہے ہیں، عدالت نے سینئیر قانون دان میاں ظفر اقبال کلانوری اور عزیز بھنڈاری ایڈووکیٹ کو عدالتی معاون مقرر کر تے ہوئے ایڈووکیٹ جنرل پنجاب کو تمام یونیورسٹیوں کی تعداد انکے سات ملحقہ کالجز کی تفصیلات پیش کر نے کا حکم دے دیا۔

نیویارک (مانیٹرنگ ڈیسک) وزیر خارجہ شاہ محمود قریشی نے کہا ہے کہ پاکستان اپنی خود مختاری پر کسی قسم کا سمجھوتہ نہیں کرے گا۔ پاکستان کی عوام نے تبدیلی کے لیے ووٹ دیا ہے۔پاکستانی حکومت کی اولین ترجیح عوام کی فلاح ہے۔وقت آگیا ہے لوٹی ہوئی دولت عوام تک پہنچائی جائے۔کرپشن کرنیوالا اور اسکی معاونت کرنیوالا دونوں مجرم ہیں۔ اقوام متحدہ کی جنرل اسمبلی سے خطاب کرتے ہوئے وزیر خارجہ نے کہ کہ ایسا مضبوط پاکستان چاہتے ہیں جو عالمی برادری سے تعلقات استوار کرے۔ عمران خان کی قیادت میں نئے پاکستان کی داغ بیل ڈال دی ہے۔ اقوام عالم کیساتھ ملکر نئے اہداف کے تعین میں کوشاں رہیں گے۔ پاکستان قومی سلامتی اور ملکی مفادات پر سودے بازی نہیں کرے گا۔ دنیا دوراہے پر کھڑی ہے ۔ سامراجیت کی نئی شکلیں پروان چڑھ رہی ہیں۔ آج عالمی اصول متزلزل دکھائی دیتے ہیں۔ دنیا میں اندھی طاقت کی عمل داری قائم ہوتی جا رہی ہے۔ تجارتی جنگ کے بادل دنیا پر چھائے ہوئے ہیں۔ عصر حاضر ایک قائدے کا متلاشی ہے۔ پاپولزم آئسولیشن ازم کی قوتیں غالب نظر آتی ہیں۔ مشرق وسطی ٰ کے حالات تشویشناک ہیں۔ مسئلہ فلسطین اپنی جگہ موجود ہے۔ انہوں نے کہا کہ گستاخانہ خاکوں کے منصوبے سے امت مسلمہ کو شدید ٹھیس پہنچی۔اسلام دشمنی کا مقابلہ کرتے رہیں ۔ پاکستان نے غلامی میں جکڑی افریقی مسلمان قوموں کی حمایت کی۔ پاکستان بھارت کے ساتھ برابری اور احترام کا رشتہ قائم کرنے پر تیار ہے۔کشمیریوں کو حق رائے دہی نا دینا مسئلے کی وجہ ہے مسئلہ کشمیر حل نہ ہونا پائیدار امن میں بڑی رکاوٹ ہے۔مسئلہ کشمیر 70 سال سے سلامتی کونسل کے ایجنڈے پر ہے۔ دہشتگردی کی آڑ میں بھار ت مقبوضہ کشمیر میںمظالم اور قتل و غارت چھپا نہیں سکے گا۔بھارت نے مقبوضہ کشمیر میں ریاستی دہشتگردی کو فروغ دیا۔ انسانی حقوق کی حالیہ رپورٹ کا خیر مقدم کرتے ہیں۔ ہم اقوام متحدہ کی رپورٹ پر جلد عمل درآمد کی حمایت کرتے ہیں۔اقوام متحدہ کی قراردادوں کے مطابق جب تک مسئلہ کشمیر حل نہ ہوا امن نہیں آسکتا۔بھارتی وزیر اعظم مودی نے سیاست کو امن پر فوقیت دی۔نیو یارک میں ملاقات اچھا موقع تھا۔ مودی حکومت کے منفی رویے نے تیسری بارمذاکرات کا موقع گنوا دیا۔ پاکستان اس خظے میں ہے جہاں نوآبادیاتی نظام اور سرد جنگ نے اپنے اثر چھوڑے ہیں۔ پاکستان دہشتگردی کیخلاف نبرد آزما ہے۔دو لاکھ افواج کی مدد سے دہشتگردی کیخلاف کامیاب آپریشن کیا۔ پاکستان نے دہشتگردی کے خلاف بڑے آپریشن کیے جن کی وجہ سے آج ہمارے شہروں کی رونقیں لوٹ آئی ہیں۔ فوج اور عوام کی سے وجہ دہشتگردی کا زور ٹوٹ چکا۔بھارتی جاسوس کلبھوشن یادھو نے بھارتی حکومت کی ایما پر پاکستان میں دہشتگردی کی پلاننگ کی۔ جسکا اس نے اعتراف کیا ہے۔ بھارت تمام ہمسایہ ممالک کے خلاف دہشتگردی کی معاونت اور مالی مدد فراہم کر رہا ہے ۔ کلبھوشن کی پاکستان میں گرفتاری اس کا ثبوت ہے۔ سانحہ اے پی سی اور سانحہ مستونگ کے ذمہ دار دہشتگردوں کو بھارت کی پشت پناہی حاصل تھی۔پاکستان اے پی ایس پشاور حملہ کبھی نہیں بھولے گا۔سمجھوتہ ایکسپریس کے بے گناہ پاکستانیوں کو کبھی نہیں بھولیں گے۔ جسکے ثبوت پاکستان نے اقوام متحدہ کو پہلے ہی فراہم کر دئیے تھے۔ بھارت کنٹرول لائن پر مسلسل جنگ بندی معاہدے کی خلاف ورزی کرتا آرہا ہے ۔ بھارت کو ہمارے صبر کا امتحان نہیں لینا چاہئے۔ بھارتی جارہیت کا بھرپور جواب دیں گے۔ پاکستان کے پاس اپنے دفاع کے لیے کم از کم دفاعی صلاحیت ناگزیر ہے۔ اقوام متحدہ گفتگو کے ذریعے معاملات حل کرنے کا فارم ہے۔پاکستان اسلحے کے دوڑ کم کرنے کے لیے بھارت کیساتھ بات چیت کے لیے تیار ہے۔مربوط مذاکرات کے ذریعے تمام مسائل کا حل چاہتے ہیں۔ افغانستان کی جنگ 17 سال نہیں جیتی جا سکی۔ افغان پناہ گزینوں کی جلد واپسی کے خواہاں ہیں۔سلامتی کونسل کو مزید مضبوط اور جمہوری دیکھنا چاہتے ہیں۔ پاکستان ہمیشہ اقوام متحدہ کا فعال رکن رہا ہے اور امن مشن میں سرفہرست ہے۔ آلودگی میں پاکستان کا حصہ بہت کم ہے مگر پاکستان موسمیاتی تبدیلی سے متاثر ممالک میں شامل ہے۔ موسمیاتی تبدیلی ایک سنگین مسئلہ ہے۔ پاکستان نے 5 سالوں کے دوران ایک ارب درخت لگانے کی پلاننگ کی ہے۔ سی پیک پاکستان کی جغرافیائی اہمیت کو معاشی ثمرات میں تبدیل کرے گا۔وسط ایشیا کو سمندر تک راہداری دیں گے۔ دہشتگردی کے مرض کی سب سے پر اثر دوا ترقی ہے۔