ممبئی(ویب ڈیسک) بالی ووڈ کے معروف اداکار شاہد کپور نے بیٹی میشا کی دیکھ بھال کی خاطر اپنی نئی آنے والی فلم ’بتی گل میٹر چالو‘ کی تشہیر ادھوری چھوڑ دی۔ بالی ووڈ کے نامور اداکار شاہد کپور اور میرا راجپوت کے گھر دو سال بعد دوسرے ننھے مہمان کی آمد ہوئی ہے جس کا نام زین کپور رکھا گیا ہے اور ایسے موقع پر اداکار زیادہ سے زیادہ وقت اپنی فیملی کو دینا چاہتے ہیں لیکن حال ہی میں ان کی نئی فلم ’پتی گل میٹر چالو‘ کی شوٹنگ ختم ہوئی تھی اور اب اس کی تشہیر چل رہی ہے تاہم شاہد کپور نے فلم کی تشہیر ادھوری چھوڑدی.اداکار شاہد کپور نے سماجی رابطے کی ویب سائٹ ٹوئٹر پر اپنی ایک ٹوئٹ میں بتایا کہ آخری کے کچھ دن میرے لئے بہت مشکل ترین دن ہیں کیوں کہ بیٹے زین کی ابھی گھر آمد ہوئی ہے کہ بیٹی شدید بخار میں مبتلا ہے اور اسی مصروفیت کی وجہ سے فلم کی تشہیر بھی رہ چکی ہے۔شاہد کپور نے کہا کہ فلم ” بتی گل میٹر چالو“ کی ریلیز میں صرف 9 دن باقی ہیں لیکن والدین کی زمہ داریاں سب سے بڑھ کر ہیں اُمید ہے کہ میں بہت جلد فلم کی تشہیری مہم دوبارہ شروع کروں گا۔طنز و مزاح سے بھرپور فلم” بتی گل میٹر چالو“ میں شاہد اور شردھا کپور کو ایک عام شہری کے کردار میں دکھایا گیا ہے جو ملک میں کرپٹ عناصر کے خلاف اٹھ کھڑے ہوتے ہیں جس میں یامی گوتم ایک وکیل کا کردار نبھا رہی ہیں جب کہ فلم 21 ستمبر کو سینما گھروں کی زینت بنے گی۔
