راولپنڈی(ویب ڈیسک)پاک فوج نے اس بار یوم دفاع منفرد انداز سے منانے کا فیصلہ کیا ہے۔پاک فوج کے شعبہ تعلقات عامہ (آئی ایس پی آر) کے مطابق قوم اس سال 6 ستمبر کو منفرد انداز میں اپنے شہدائ کو خراج تحسین پیش کرے گی۔میجر جنرل آصف غفور کا کہنا ہے کہ آئی ایس پی آر، میڈیا اور دیگر قومی اداروں کے ہم آہنگ ہر پاکستانی اس منفرد ملک گیر مہم کا حصہ بنے گا۔رواں سال ’ہمیں پیار ہے پاکستان سے‘ کے نام پر یوم دفاع و شہداء منایا جائے گا جس میں شہداءاور ان کے لواحقین کو خراج عقیدت پیش کیا جائے گا۔ڈی جی آئی ایس پی آر کا کہنا ہے کہ شہید اور ان کے لواحقین قوم کے ہیرو اور سرمایہ ہیں اور زندہ قومیں اپنے شہیدوں کو کبھی نہیں بھولتیں۔
