لاہور(مانیٹرنگ ڈیسک) فرسٹ کلاس کرکٹر وسیم خان نے کہا ہے کہ عمران خان کے آنے سے کھیلوں خصوصاً کرکٹ پر مثبت اثرات پڑیں گے، عمران کا پوری دنیا میں نام ہے ، چینل۵ کے پروگرام ”گگلی“ میں گفتگو کرتے ہوئے انہوں نے کہا کہ امید ہے حکومت میں آنے کے بعد عمران خان کرکٹ کےلئے کام کرینگے، گذشتہ حکومتوں نے پاکستان میں بین الاقوامی ٹیمیں لانے میں وہ کوشش نہیں کی جو کرنی چاہئے تھی، سپورٹس جرنلسٹ منور حسین نے کہا کہ پاکستان کی بھارت کےساتھ سیریز 2007کے بعد نہیں ہوئی، ون ڈے سیریز 2003کے بعد سے نہیں ہوئی ، پاک بھارت سیاسی تعلقات کا کرکٹ پر اثر پڑتا ہے ، اب لگتا ہے برف پگھلے گی ، تین اکتوبر سے پاک بھارت کرکٹ کی قانونی جنگ شروع ہوگی ، اب دیکھیں عمران خان کیا رسپانس لیتے ہیں، نوید عالم نے کہا کہ کھلاڑیوں کو ان کے واجبات ضرور ملیں گے، کھلاڑیوں کو بھی چاہئے کہ ذمہ داری سے کام لیں ، ملک کی بدنامی نہیں ہونی چاہئے۔
