لاہور(ویب ڈیسک ) پیپلزپارٹی کے شریک چیئرمین آصف زرداری نے کہا ہے کہ سیاست میں نوابزادہ نصراللہ کی کمی طاہرالقادری نے پوری کی،سعودی عرب میں کیا ہورہا ہے اس کامجھے علم نہیں ،سعودی عرب میں کرپشن کیخلاف مہم چل رہی ہے،ان کے اپنے بھی ایشوزہوں۔میڈیا رپورٹس کے مطابق انہوں آج یہاں میڈیاسے گفتگوکرتے ہوئے کہاکہ سعودی عرب میں کرپشن کیخلاف مہم چل رہی ہے۔ہوسکتاہے کہ سعودی عرب کے اپنے بھی ایشوزہوں۔سعودی عرب اسلامی دنیاکااہم اور دوست ملک ہے۔شریف برادران سعودی عرب کیوں گئے ہیں یہ وقت بتائے گا۔سعودی عرب میں کیا ہورہا ہے اس کامجھے علم نہیں ہے۔انہوں نے آج پھرایک بارسعودی عرب میں این آراوکی باتیں ہورہی ہیں۔تاہم سعودی عرب کابراہ راست کوئی اثرنہیں ہوگا۔آصف زرداری نے کہا کہ سیاست میں نوابزادہ نصراللہ کی کمی تھی اب طاہرالقادری کی صورت میں پوری ہورہی ہے۔جب این آراوہوا اس وقت مارشل لاءکادورتھا اور ہم سب جیلوں میں تھے۔انہوں نے کہاکہ پرویز مشرف میں اتنادم ہے تووطن واپس آجائیں۔نیب سندھ میں بہت ظلم کررہی ہے۔نیب کے پاس کونسی صلاحیت ہے جو نہروں کی لائینگ ناپتی ہے
Monthly Archives: January 2018
نواز شریف سمیت تمام فریقین کو نوٹس جاری
عدالتوں کو اتنا آسان نہ لیں۔۔۔ نوازشریف پھر پھنس گئے۔۔۔سپریم کورٹ میں جواب طلب
اسلام آباد(ویب ڈیسک) چیف جسٹس آف پاکستان جسٹس ثاقب نثار نے سابق وزیر اعظم نوازشریف کے پارٹی صدر بننے کے خلاف درخواستوں کی سماعت کے دوران ریمارکس دیئے ہیں کہ پارلیمنٹ قانون سازی کاسب سے بڑا ادارہ ہے۔چیف جسٹس میاں ثاقب نثار کی سربراہی میں سپریم کورٹ کے 3 رکنی بنچ نے نواز شریف کے پارٹی صدر بننے اور الیکشن ایکٹ 2017 میں ترمیم کے خلاف درخواستوں کی سماعت کی۔دوران سماعت شیخ رشید کے وکیل بیرسٹر فروغ نسیم نے اپیل کی کہ عدالت فریقین کونوٹس جاری کرے، جس پر چیف جسٹس نے ریمارکس دیئے کہ پارلیمنٹ قانون سازی کا سب سے بڑا ادارہ ہے اور آپ اس کے بنائے قوانین کوکالعدم قرار دینے کی استدعا کررہے ہیں، ہمیں قانون کے مطابق چلنا ہے،عدالتوں کو اتنا آسان نہ لیں، نوٹس کا کیس بنائیں گے تو نوٹس بھی کریں گے، بتائیں کن مقدمات میں آج تک عدالتوں نے پارلیمنٹ کے بنائے قوانین کو کالعدم کیا، وکلاءعدالتی فیصلوں کی نظیریں پیش کریں۔چیف جسٹس نے ریمارکس دیئے کہ قانون بنانے کے لیے پارلیمان سپریم ادارہ ہے، ہم پارلیمان کے قانون بنانے کے اختیار میں مداخلت نہیں کر سکتے، بنیادی حقوق اور عوامی مفاد ایک دوسرے سے جڑے ہوئے ہیں، پارلیمان کے قانون کا جائزہ اسی وقت لیا جا سکتا ہے جب وہ بنیادی حقوق سے متصادم ہو، ہمیں مقدمے میں آئینی شقوں سے متصادم معاملات کو دیکھنا ہے۔شیخ رشید کے وکیل فروغ نسیم نے اپنے دلائل میں پاناما فیصلے میں جسٹس اعجاز الاحسن کی آبزرویشن کا حوالہ دیتے ہوئے کہا کہ ایماندار آدمی کی مجھ پر حکومت میرا بنیادی حق ہے، آئین کے آرٹیکل 63 اے میں واضح ہے کہ پارٹی سربراہ پارلیمانی ممبران کو ٹکٹ جاری کرے گا، اس سے یہ بات واضح ہوتی ہے کہ پارٹی سربراہ ہی پارلیمان میں موجود ممبران کو کنٹرول کرتا ہے اور پارٹی سربراہ کا صادق اورامین ہونا ضروری ہے۔
نوازشریف کو سعودیہ نے نہیں بلایا وہ شہباز کے خوف سے گئے، اعتزاز احسن
لاہور(ویب ڈیسک)سینیٹ میں قائد حزب اختلاف اعتزاز احسن کا کہنا ہے کہ نوازشریف کو سعودی عرب نے نہیں بلایا بلکہ وہ شہباز شریف کے خوف سے گئے۔لاہور میں میڈیا سے گفتگو کرتے ہوئے اعتزاز احسن نے کہا کہ نواز شریف کو سعودی عرب والوں نے نہیں بلایا، وہ اگر بلاتے ہیں تو جہاز بھیجتے ہیں، نواز کمرشل فلائٹ سے گئے اور وہ شہبازشریف کے خوف سے چلے گئے ہیں۔انہوں نے کہا کہ اداروں کوتاثر دیا گیا کہ شہبازشریف سعودی عرب والوں کا منظور نظر ہے، شہباز شریف نے وہاں سے ٹیلی فون کیا کہ میں اعلیٰ شخصیات سے ملاقات کر رہا ہوں۔پی پی رہنما کا کہنا تھا کہ شریف برادران میں آپس کی چپقلش چل رہی ہے کہ کس نے کیا بننا ہے۔اعتزاز احسن نے کہا کہ تمام جماعتوں میں تقسیم اور انتشار ہے لیکن پیپلزپارٹی میں کوئی انتشار نہیں، سب متحد ہیں، بلاول بھٹوکی قیادت میں پیپلز پارٹی کامیاب ہوگی۔سینیٹ میں قائد حزب اختلاف نے کہا کہ طاہرالقادری کے ساتھ شہدا سے اظہار یکجتی کے لیے ملاقات کی گئی ہے، طاہرالقادری کے ساتھ سیاسی اتحاد نہیں کیا۔اعتزاز احسن کا کہنا تھا کہ پی ٹی آئی کے سمیع الحق سے اتحاد کے نتائج خطرناک ہوں گے۔
سانحہ ماڈل ٹاﺅن ۔۔۔رانا ثنا ءاﷲ کی طاہر القادری کو بڑی پیشکش
فیصل آباد(ویب ڈیسک)وزیر قانون پنجاب رانا ثناءاللہ نے کہا ہے کہ جو بھی پارٹی کیلئے غیر مشروط طور پر کام کر نا اور فعال ہونا چاہتا ہے اس کیلئے پارٹی کے دروازے ہمیشہ کھلے ہیں لیکن اگر اکوئی ٹکٹ کی شرط لگائے تو پھر میری طرف سے معذرت ہے ، شیخ اعجاز احمد پارٹی کا سرمایہ ہے اور انہوں نے برے وقت میں بھی میاں نواز شریف کا ساتھ نہیں چھوڑا ، انہیں پارٹی ٹکٹ کا کوئی ایشو نہیںکیونکہ ٹکٹیں دینے والے پارلیمانی بورڈ کا صدر بھی رکن ہوتا ہے ،2018 میں عمران خان سیاست سے فارغ ہوجائیں گے خرم نواز گنڈا پور مجھ سے ملنے ماڈل ٹاﺅن بھی تشریف لائے، ان کے ساتھ معاملہ طے نہیں ہوا، چاہتے ہیں مقتولوں کے ورثا کو معاوضہ دیا جائے، معاوضے کے معاملات وزیراعلی شہباز شریف کی منظوری سے طے کرنے کی کوشش کی گئی انہوں نے جاں بحق ہونے والوں کی دیت کے لیے خرم نواز گنڈاپور سے مذاکرات کی بھی تصدیق کر دی، وزیر قانون پنجاب رانا ثناءاللہ نے ماڈل ٹاﺅن سانحے کا معاملہ حل کرنے کے لیے پاکستان عوامی تحریک کے سربراہ طاہر القادری کے روبرو اپنی بے گناہی ثابت کرنے کی پیش کش کر دی۔
انہوں نے کہا کہ طاہرالقادری قرآن پر بیان دیں، ہم بھی بے گناہی ثابت کرنے کو تیار ہیں، ماڈل ٹاون ایک واقعہ تھا جس میں نہ کوئی پلاننگ شامل تھی نہ کسی نے گولی چلانے کا حکم دیا۔رانا ثناءاللہ نے کہا کہ ہم اپنی بے گناہی انکوائری میں ثابت کر چکے ہیں۔ان کا کہنا تھا کہ ہم سے پہلی بار استعفی نہیں مانگا جارہا، ساڑھے چار سال سے مانگ رہے ہیں اور عدم استحکام پیدا کرنے کی کوشش کی جارہی ہے۔
وزیر قانون پنجاب نے کہا کہ دھرنے، لانگ مارچ اور ریلیوں کا مقصد پاکستان کی ترقی کو روکنا تھا، تمام سازشوں کے باوجود ملک سے لوڈشیڈنگ کا خاتمہ ہوا، قوم ان لوگوں کو پہچان چکی ہے، الیکشن میں سازشی قوتوں کو ووٹ سے شکست دیں گے، نواز شریف کی قیادت میں قوم متحد ہے۔رانا ثناءاللہ نے کہا کہ طاہرالقادری، آصف زرداری اور عمران خان ایک دوسرے کو برا بھلا کہہ چکے ہیں۔
نئے سال پر نیا عزم ۔۔۔ آرمی چیف کے پیغام نے سب کو چوکنا کر دیا
راولپنڈی (مانیٹرنگ ڈیسک) آرمی چیف جنرل قمر جاوید باجوہ نے کہا ہے کہ 2018ءغیر معمولی چیلنجز کے ساتھ انتہائی اہمیت کا حامل ہے جب کہ پاکستان کے عزم کو کوئی شکست نہیں دے سکتا۔ ڈی جی آئی ایس پی آر میجر جنرل آصف غفور کے مطابق آرمی چیف نے کہا کہ 2017ءکا یادگار سال ختم ہوا نیا سال 2018ءشروع ہورہا ہے جو غیر معمولی چیلنجز کے ساتھ انتہائی اہمیت کا حامل ہے جس میں پاکستان کو اندرونی اور بیرونی سطح پر چیلنجز درپیش ہوں گے۔ 2018ءعام انتخابات کا سال ہے عوام فوج کیطرف دیکھ رہے ہیں سربراہ پاک فوج نے کہا کہ درپیش چیلنجز کو مواقع میں تبدیل کیا جاسکتا ہے ایسے چیلنجز کا کچھ حصہ ہم مواقع میں تبدیل کرچکے ہیں بقیہ کام بھی جلد پورا ہوجائے گا انشاءاللہ پاکستان کے عزم کو کوئی بھی شکست نہیں دے سکتا۔ آرمی چیف نے نئے سال کے موقع پر اپنے پیغام میں کہا ہے کہ ایک یادگار سال کا اختتام ہو گیا، 2018ءپاکستان کے لئے انتہائی اہمیت کا سال ہو گا۔ آرمی چیف نے مزید کہا ہے کہ 2018ءمیں بڑے داخلی و خارجی چیلنجز پاکستان کو درپیش ہوں گے، ان چیلنجز کو مواقع میں تبدیل کریں گے۔ آرمی چیف نے کہا کہ 2018ءغیرمعمولی چیلنجز کے ساتھ انتہائی اہمیت کا حامل ہو گا، کوئی بھی پاکستان کے عزم کو شکست نہیں دے سکتا۔
پٹرول کی قیمتوں میں اضافہ نے عوام کی چیخیں نکا ل دیں شہری سراپا احتجاج
اسلام آباد (نیٹ نیوز) حکومت نے نئے سال کی خوشیوں سے پہلے عوام پر پٹرول بم گرا دیا۔ پٹرولیم مصنوعات کی قیمتوں میں ردوبدل کا اعلان کر دیا گیا۔وزیر اعظم نے اوگرا کی سفارش پر قیمتوں میں رد و بدل کی منظوری دے دی۔ پٹرول کی قیمت میں 4 روپے 6 پیسے فی لٹر کے حساب سے اضافہ کر دیا گیا ہے۔ مشیر خزانہ مفتاح اسماعیل کے مطابق، پٹرول کی نئی قیمت 81 روپے 53 پیسے فی لٹر ہو گی۔ ہائی سپیڈ ڈیزل کی قیمت میں 3 روپے 96 پیسے فی لٹر کےحساب سے اضافہ کیا گیا ہے اور اس کی نئی قیمت 89 روپے 91 پیسے ہو گی۔مشیر خزانہ کے مطابق، لائٹ ڈیزل کی قیمت میں 6 روپے 25 پیسے فی لٹر کے حساب سے اضافہ کیا گیا ہے اور اس کی نئی قیمت 58 روپے 37 پیسے ہو گی۔ مٹی کے تیل کی قیمت میں 6 روپے 74 پیسے فی لٹر کے حساب سے اضافہ کیا گیا ہے اور اس کی نئی قیمت 64 روپے 32 پیسے ہو گی۔مشیر خزانہ مفتاح اسماعیل نے یہ بھی بتایا کہ عالمی مارکیٹ میں پٹرولیم مصنوعات کی قیمیتں بڑھ رہی ہیں جس کی وجہ سے اندرون ملک پٹرولیم مصنوعات کی قیمتیں بڑھانا پڑیں۔حکومت کے اس اقدام سے ملک میں مہنگائی کا ایک نیا طوفان آ جائے گا۔ واضح رہے کہ پٹرولیم مصنوعات کی قیمتوں میں گزشتہ کئی ماہ سے مسلسل اضافہ کیا جا رہا ہے۔ آئل اینڈ گیس ریگولیٹری اتھارٹی (اوگرا) نے پیٹرولیم مصنوعات کی قیمتوں میں اضافے کی جوسمری وزراتِ پیٹرولیم کو ارسال کی اس میں پٹرول کی قیمت میں 4 روپے 6 پیسے، مٹی کے تیل کے دام میں 13 روپے 58 پیسے، ہائی اسپیڈ ڈیزل کے نرخوں میں 5 روپے 83 پیسے اور لائٹ اسپیڈ ڈیزل کی قیمت میں 12 روپے 49 پیسے اضافے کی تجویز دی گئی تھی۔تاہم حکومت نے قیمتوں میں ردوبدل کردیا ہے۔ وزیراعظم کے مشیر برائے خزانہ مفتاح اسماعیل کا کہنا ہے کہ پٹرولیم مصنوعات کی قیمت میں اضافے کی منظوری وزیراعظم شاہد خاقان عباسی نے اوگرا کی سفارش پر دی تاہم اس میں ردوبدل کیا گیا۔ عالمی مارکیٹ میں بھی پٹرولیم مصنوعات کی قیمتیں بڑھ رہی ہیں اس کے باوجود پاکستان میں بھارت، بنگلا دیش اور ترکی کے مقابلے میں پٹرول کی قیمت کم ہے، نئی قیمتوں کا اطلاق پیررات بارہ بجے سے ہو گیا ہے۔
بھارت کرکٹ کی جنگ سے بھی بھاگ گیا ۔۔۔پاکستان کیساتھ کھیلنے سے انکار
نئی دہلی (ویب ڈیسک)بھارتی وزیر خارجہ سشما سوراج نے پاک بھارت کرکٹ سیریز کا امکان مسترد کردیا۔بھارت نے ہٹ دھرمی کا مظاہرہ کرتے ہوئے ایک بار پھر پاکستان کے ساتھ کرکٹ سیریز سے راہ فرار اختیار کرلی اور سرحدی کشیدگی کا بہانہ بناتے ہوئے کرکٹ سیریز کے انعقاد کے امکان کو مسترد کردیا۔ بھارتی میڈیا کے مطابق وزیر خارجہ سشما سوراج نے کہا کہ کسی نیوٹرل وینیو پر بھی دونوں ممالک میں سیریز نہیں ہوسکتی۔سشما سوراج کی زیر صدارت مشاورتی کمیٹی کا اجلاس ہوا جس میں پڑوسی ممالک کے ساتھ تعلقات کا جائزہ لیا گیا۔ اس میٹنگ میں بھارتی سیکرٹری خارجہ ایس جے شنکر نے بھی شرکت کی۔ سشما سوراج نے الٹا چور کوتوال کو ڈانٹے کے مصداق پاکستان پر سرحدی اشتعال انگیزی کا الزام عائد کردیا۔ انہوں نے کہا کہ سرحدی کشیدگی کی وجہ سے دونوں ممالک میں کرکٹ ڈپلومیسی کے لیے حالات سازگار نہیں۔دونوں ممالک میں کشیدگی کم کرنے کے لیے کرکٹ سیریز کے انعقاد سے متعلق وزیر خارجہ سشما سوراج نے کہا کہ انسانیت کے ناطے خواتین اور معمر قیدیوں کی رہائی تو زیر غور ہے لیکن سرحد پر شدید فائرنگ اور گولہ باری کی وجہ سے کرکٹ سیریز کا انعقاد ممکن نہیں
پاکستان پردوطرفہ سرجیکل سٹرائیک کا امریکی منصوبہ
لاہور (تجزیہ نگار) انتہائی معتبر ذرائع نے بتایا ہے کہ شمالی کوریا پر دباﺅ ڈالنے میں ناکامی کے بعد امریکہ نے اب پاکستان کو نشانہ بنانے کا فیصلہ کر لیا ہے۔ اس مقصد کے لئے اسے بھارت اور اسرائیل کا تعاون بھی حاصل ہو گا۔ اس مقصد کے لئے اس نے پاکستان کے اندر دو طرفہ سرجیکل سٹرائیک کے علاوہ دہشت گردوں کو تربیت دے کر پاکستان میں حساس مقامات پر دہشت گردی اور تخریب کاری کرانے کا منصوبہ بنایا ہے۔ انٹرنیشنل میڈیا کے مطابق ان دہشتگردوں کو تربیت دینے کے لئے امریکی ٹرینر افغانستان پہنچ چکے ہیں۔ بتایا گیا ہے کہ ایک طرف سے بھارت اور دوسری طرف سے امریکہ سرجیکل سٹرائیک کر سکتے ہیں۔ ان دونوں ممالک کے نشانوں میں دیگر اہم مقامات کے علاوہ سی پیک کے منصوبے بھی ہوں گے کیونکہ دونوں ممالک اور ان کے اتحادیوں کے لئے یہ منصوبہ پریشانی کا باعث ہے تاہم دوسری جانب پاکستان نے بھی ہر قسم کی دھمکیوں اور ممکنہ کارروائی سے نمٹنے کا فیصلہ کیا ہے اور دفاعی ادارے اپنی تیاریاں مکمل کر رہے ہیں۔ اس صورتحال سے دوست ممالک کو بھی آگاہ کر دیا گیا ہے اور وہ بھی اپنا کردار ادا کر رہے ہیں۔ باخبر ذرائع کا کہنا ہے کہ اعلیٰ ترین سطح سے آنے والی امریکی دھمکیوں اور افغانستان سے حاصل انٹیلی جنس معلومات پاکستان کے خلاف ایک بڑی سازش کی تصدیق کر رہے ہیں۔ ذرائع کے مطابق امریکہ افغانستان میں اپنی شکست کا بدلہ پاکستان سے لینا چاہتا ہے۔ ٹرمپ کے آنے کے بعد سے امریکی حکام مسلسل پاکستان پر دباﺅ ڈال رہے تھے کہ وہ افغان جنگ کا بوجھ بھی اٹھائے، تاہم پاکستان کے صاف انکار سے ٹرمپ انتظامیہ مشتعل دکھائی دیتی ہے۔ ذرائع کے مطابق تنازعات کے باعث امریکہ میں اپنی کم ہوتی ہوئی مقبولیت کی وجہ سے بھی ٹرمپ ایک نیا محاذ کھولنا چاہتے ہیں۔ شمالی کوریا کے معاملے پر ناکامی کے بعد ٹرمپ انتظامیہ نے پاکستان کو اپنا ہدف بنا لیا ہے، امریکی اسٹیبلشمنٹ وائٹ ہاﺅس کا ساتھ دے رہی ہے کیونکہ اسے بھی افغان جنگ میں ناکامی کا زخم ملا ہے۔ افغانستان پہنچنے والی اضافی 4 ہزار امریکی فوجیوں میں خصوصی ٹرینر بھی شامل ہیں جن کے ذریعے داعش اور ٹی ٹی پی کے دہشت گردوں کو تربیت دی جا رہی ہے۔ امریکہ ڈرون حملوں کا دائرہ پھیلانے کی کوشش کر رہا ہے۔ ڈرون حملوں کا ہدف بلوچستان میں سی پیک کا روٹ ہو سکتا ہے، پاکستانی حکام نے امریکی سازشوں اور ممکنہ مہم جوئی کا جواب دینے کیلئے تیاریاں مکمل کر لی ہیں۔ پاک فضائیہ کے سربراہ ایئر چیف مارشل سہیل امان پہلے ہی واضح کر چکے ہیں کہ حملہ آور ڈرون کو مار گرایا جائے گا۔ ذرائع کے مطابق پاکستان کے پاس امریکی ڈرون گرانے کی ٹیکنالوجی موجود ہے۔ دوسری جانب افغانستان سے دہشت گردوں کا داخلہ روکنے کیلئے سرحدوں کی نرانی بھی سخت کر دی گئی ہے۔ موجودہ نازک صورتحال میں ملک میں اندرونی استحکام اہم ہے۔ اسی لئے سکیورٹی حکام نے سیاسی قیادت کو بھی اعتماد میں لے کر صورتحال کی سنگینی سے آگاہ کرنے کا سلسلہ شروع کیا ہے۔ ذرائع کے مطابق ترکی، سعودی عرب اور چین جیسے دوست ملکوں کو بھی صورتحال پر اعتماد میں لیا گیا ہے۔
مریم نواز بھی دو روز میں سعودی عرب روانہ ہونے کےلئے تیار
اسلام آباد(آن لائن) نواز،شہباز کی سعودی عرب موجودگی کے بعد مریم نواز نے بھی دو روز میں سعودی عرب روانہ ہونے کے لئے تیاری کر لی ہے،نیا این آر او طے پانے کے لئے اہم مشاورت کئے جانے کا امکان ہے۔انتہائی معتبر ذرائع سے معلوم ہوا ہے کہ سعودی عرب میں وزیراعلیٰ پنجاب شہبازشریف،نوازشریف سمیت دیگر اہم شخصیات کی موجودگی کے بعد معاملات مثبت راہوں پر گامزن ہوئے تو این آر او کو حتمی شکلا دینے سے قبل مسودے پر مشاورت کے لئے مریم نواز کو بھی سعودی عرب بلایا جائے گا۔مسلم لیگ ذرائع کے مطابق مریم نواز یکم یا دو جنوری تک سعودی عرب جا سکتی ہیں اور انہوں نے اس سلسلہ میں تیاری بھی کر لی ہے۔
پہلی پاکستانی ہار فلم ” پری“ کا ٹریلر سنیما‘ سوشل میڈیا پرجاری
کراچی(شوبز ڈیسک )پاکستان میں اپنی نوعیت کی پہلی ہارر فلم پری، کا ٹریلر سنیماو¿ں کے ساتھ سوشل میڈیا پر بھی جاری کردیا گیاہے جسے فلمی ناقدین کے علاوہ شائقین نے بھی پسندیدگی کی سند دے دی ہے۔ پری، کے رائٹر اور ڈائریکٹر سید عاطف علی ہیں جبکہ کاسٹ میں سلیم معراج، عزیکا ڈینیل،جنید اختر، رشید ناز ،چائلڈ اسٹار خوشی ماہین اور قوی خان شامل ہیں۔پری، 2فروری کوملک بھر میں نمائش کے لیے پیش کی جارہی ہے ۔ فلم کے ٹریلر سے اندازہ لگایا جاسکتا ہے کہ باکس آفس پر خوف اور دہشت کا راج ہوگا۔سید عاطف علی‘ ٹی وی پر مسٹری اور ہارر ڈراموں کے حوالے سے مقبول نام ہے۔اُن کے کریڈٹ پر کئی کامیاب سیریلزاور سیریز ہیں۔پری‘ عاطف علی کی پہلی فلم ہے۔فلم کے اسکرپٹ و اسکرین پلے کو حتمی شکل دینے میںعاطف علی کی معاونت محمد احسن نے کی ہے۔پہلی فلم کی ڈائریکشن کے لیے ہارر سبجیکٹ کا انتخاب کرنے کے حوالے سے عاطف علی کا کہنا ہے کہ یہ میرے من کی آواز ہے جس پر عمل کیا ہے۔مجھے ٹھیک لگا کہ ایک اچھی ہارر فلم کے ذریعے فلمی کیریئر شروع کیا جاسکتاہے۔دُنیابھر میں ہارر فلمز اپنی کہانی اور میکنگ کی بُنیاد پر چلی ہیں‘ عام طور سے اس ٹائپ کی فلموں میں ٹاپ اسٹارز نہیں ہوتے اور نہ ہی ان کی ضرورت پڑتی ہے تو پری‘ بھی زیادہ تر نئے چہروں سے سجائی گئی ہے تاہم اس میں انڈسٹری کے نامور ایکٹرز قوی خان اور رشید ناز موجودہیں۔اس کے علاوہ جانے مانے ایکٹر سلیم معراج کا بھی خاصا اہم رول ہے۔انہوں نے کہا کہ جس کہانی کو ہم نے منتخب کرکے پری، بنائی‘ اُس کا تعلق سبھی گھروں سے ہے۔ تاہم اسے ایک ڈرا¶نی فلم کہنا محدود ہوگا کیونکہ اس میں کئی اور پہلو¶ں کی نشاندہی بھی کی گئی ہے۔ گانوں اور میوزک میں پورا فلم فلیور ملے گا۔ہارر فلموںکا میک اپ اور گیٹ اپ خاص اہمیت کا حامل ہوتا ہے،اسے prosthetic کہاجاتا ہے ۔پاکستانی میک اپ آرٹسٹس محمد علی اور محمد رمیز خان نے اس فلم میں اپنی ہنر مندی کا خوب جادو جگایا ہے۔یہ دونوں نوجوان گزشتہ دو سال سے اس فن کی ٹریننگ لینے کے بعد اب عملی طور پر پاکستانی فلموں کو اپنی خدمات دینے کے لیے تیارہیں۔دلچسپ بات یہ ہے کہ بولی وڈ اداکارہ انوشکاشرما نے بھی بطور پروڈیوسرپری‘کے ٹائٹل سے ایک فلم بنائی ہے جو کہ پاکستانی ”پری“ کے ایک ہفتہ بعد ریلیز ہورہی ہے۔ پری،2فروری 2018 کو پاکستان بھر میں فلمیکا پکچرز کے بینر تلے ریلیز کرنے کی تیاریاں مکمل کرلی گئی ہیں۔
کترینہ کیف کا شاہد کپور کیساتھ فلم میںکام سے انکار
نئی دہلی(شوبز ڈیسک)بالی وڈ اداکارہ کترینہ کیف نے شاہد کپور کی فلم’بتی گل، میٹر چالو‘ میں کام کرنے سے انکار کردیا ہے۔کہا جارہا ہے کہ کترینہ کے پاس اس فلم کے لئے ڈیٹس نہیں تھیں۔فلم کا فرسٹ لک حال ہی میں ریلیز کیا گیا تھا۔بتایا جارہا ہے کہ کترینہ اس فلم میں کام کرنا چاہتی تھیں۔ ان کا کردار اتراکھنڈ کی ایک وکیل کا تھا لیکن ڈیٹس نہ ہونے کے سبب پراجیکٹ چھوڑنا پڑا ہے۔اس رول کے لئے انہیں چھوٹے شہر کی لڑکی کے کردار میں خود کو ڈھالنا تھا نیز وہاں بولی جانے والی زبان بھی سیکھنی پڑتی۔یہ سب کرنے کےلئے کترینہ کو کافی وقت درکار تھا اس لئے انہوں نے فلم کے پہلے ہی مرحلے میں خود کو اس سے الگ کرلیا۔
جسٹن بیبر پینٹنگ بیچ کر چندہ جمع کرنے میں مصروف
لاس اینجلس(شوبز ڈیسک) معروف گلو کار جسٹن بیبر ایک پینٹنگ کی نیلامی کر رہے ہیں تاکہ ان پیسوں سےوہ کیلی فورنیا کے جنگلات میں لگنے والی آگ سے متاثر ہونے والے لوگوں کیلئے چندہ اکٹھا کرسکے۔تائیس سالہ گلوکار نے اپنی پینٹنگ کی ایک تصویر انسٹگرام اکاﺅنٹ پر پوسٹ کی جسے وہ نیلام کرنا چاہتے ہیں۔ انہوں نے تصویر کے ساتھ یہ کیپشن لکھا کہ میں اپنی پینٹنگ کو بیچنا چاہ رہا ہوں۔
