تازہ تر ین

عروہ ‘فرحان سعید کے نئے فوٹو شوٹ پرمداحوں کا مزاق

لاہور(شوبز ڈیسک)پاکستانی نامور اداکارائیں اور خوبصورت بہنیں عروہ حسین اور ماورا حسین سوشل میڈیا پر ہمیشہ ہی کچھ نہ کچھ خاص شیئر کرتی آرہی ہیں۔حال ہی میں عروہ حسین اور ان کے شوہر فرحان سعید نے ایک برانڈ کے لیے فوٹو شوٹ کیا جس کی ایک تصویر عروہ نے اپنے سوشل میڈیا اکاﺅنٹ پر شیئر کی۔جس کے بعد ٹوئٹر پر صارفین نے اس تصویر میں ان کے عجیب پوز کا مذاق اڑانا شروع کردیا۔جیسے عروہ اپنے نام کو منفرد انداز میں لکھتی ہیں ایسے ہی لوگوں نے صوفے پر بیٹھنے کو منفرد انداز میں لکھ کر جوڑے کا مذاق اڑایا۔ان کا کہنا تھا کہ عروہ کو صوفے کی سپیلنگ پسند نہیں آئی اس لیے وہ وہاں نہیں بیٹھیں۔نیچے بھی کافی جگہ تھی ویسے۔ان کے مطابق جب آپ بیوی کو سر پر چڑھانا بہت سنجیدگی سے لے لیں۔
جبکہ انہوں نے دونوں کی تصویر کو تبدیل کرکے مزید حیران کن بنادیا۔خیال رہے کہ ان دونوں نے گزشتہ سال دسمبر میں اپنی شادی کے موقع پر رومانٹک فوٹو شوٹ کروایا تھا۔شادی کو ایک سال مکمل ہونے پر جوڑے نے مداحوں کو تحفہ دینے کے لیے فوٹو شوٹ کا انتخاب کیا، جس کی تصاویر انہوں نے اپنے اپنے انسٹاگرام پر بھی شیئر کیں۔مداحوں نے جہاں ان کے فوٹوشوٹ پر خوشی کا اظہار کیا، وہیں کئی مداحوں نے جوڑے کو ان کےانداز پر تنقید کا نشانہ بھی بنایا۔



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv