اسلام آباد (آئی این پی) پاکستان تحریک انصاف کے منحرف رکن خیبر پختونخواہ اسمبلی ضیاءاﷲ آفریدی نے کہا ہے کہ عمران نیازی خود کرپٹ لوگوں کا تحفظ کررہے ہیںانہوں نے پختونوں کو مقروض کردیا ہے‘ وزیراعلیٰ خیبرپختونخواہ کی کرپشن کے ثبوت سب کے سامنے لایا‘عمران خان سندھ اور پنجاب کے عوام کو دھوکہ نہیں دے سکتے‘ کہ بلاول کی پشاور آمد پر پیپلز پارٹی میں شمولیت کا اعلان کروں گا۔ پیر کو الیکشن کمیشن میں سماعت کے بعد ضیاءاﷲ آفریدی نے کہا کہ 2015ءمیں عمران خان نے مجھے پارٹی سے نکالا میں نے احتساب کمیشن میں وزیراعلیٰ اور وزراءکے خلاف کیسز ڈالے ہیں۔ میں وزیراعلیٰ خیبرپختونخواہ کی کرپشن کے ثبوت سامنے لایا۔ انہوں نے کہا کہ عمران خان نے پختونوں کو مقروض کردیا ہے عمران خان سندھ اور پنجاب کے عوام کو دھوکہ نہیں دے سکتے۔ عمران نیازی صاحب خود کرپٹ لوگوں کا تحفظ کررہے ہیں۔ انہوں نے کہا کہ بلاول کی پشاور آمد پر پیپلز پارٹی میں شمولیت کا باقاعدہ اعلان کروں گا۔
