اسلام آباد (مانیٹرنگ ڈیسک) رہنما مسلم لیگ، میر ظفر اللہ جمالی نے کہا ہے کہ ختم نبوت پر زاہد حامد اور دیگر نے ارکان اسمبلی کو دھوکہ دیا۔ سپیکر نے کہا ختم نبوت قانون میں تکنیکی غلطی ہوئی ہے۔ سپیکر کی ذمہ داری ہے کمیٹی سے معاملے پر بات کرتے۔ انہوں نے کہا کہ شہباز شریف کی دعوت پر مسلم لیگ میں شامل ہوا۔ 2008ء میں پی پی حکومت نے مشرف سے بھی حلف لیا تھا۔ مجھے بھی مشرف لے کر آئے اور انہوں نے مجھے ہٹانے میں بھی اہم کردار ا دا کیا۔ وہ کرنسی نوٹ پر اپنی تصویر لگوانا چاہتے تھے۔ میں نے تنہا مخالفت کی۔ وہ صدر تھے۔ آئین میں لکھا ہے کہ وزیراعظم، صدر کی مرضی پر کام کرے گا۔ پرویز مشرف ڈاکٹر قدر خان کو امریکہ کے حوالے کرنا چاہتے تھے میں نے مخالفت کی اور کہا میں دستخط نہیں کرونگا۔ امریکہ کا اس پر پریشر تھا۔ ایئر بیسز مجھ سے قبل ہی امریکہ کو دے چکے تھے۔ اکبر بگٹی کا قتل مشرف کی زیادتی تھی۔ انہوں نے کہا کہ وہ مائنس نواز شریف کے حامی ہیں۔ 40ارکان اسمبلی پارٹی چھوڑنے والے ہیں۔ آئندہ الیکشن کی ضرورت نہیں۔الیکشن کی ضرورت نہیں۔ میرا بس چلے تو پہلے حساب کتاب لوں سب کا۔ پہلے الیکشن ہو بھی جائیں تو پیسے والے لوگ دوبارہ آ جائیں گے۔ الیکشن نہ کروائیں صفائی کروائیں۔ خدا طاقت دیتا ہے صفائی کرنے والوں کو۔ ن لیگ میں بھی دراڑیں ہیں۔ لوگ ”تھاپی“ کے انتظار میں ہیں۔ تھاپی ملی تو 40 سے زیادہ لوگ جائیں گے۔
