اسلام آباد(مانیٹرنگ ڈیسک) آرمی چیف جنرل قمر جاوید باجوہ نے اسلام آباد میں چینی سفارت خانے کی جانب سے چائنیز پیپلزلبریشن آرمی کے 90واں یوم تاسیس کی تقریب میں خصوصی طور پر شرکت کی، جس میں انہوں نے اس عزم کا اعادہ کیا کہ وہ سی پیک کو ہر قیمت پر کامیاب بنائیں گے، آرمی چیف کا کہناتھا کہ چین اور پاکستان کی دوستی لازوال ہے، چین نے ہمیشہ پاکستان کے حق میں سفارت کاری کی، جنرل قمر جاوید باجوہ کا کہناتھا کہ سی پیک خطے میں ترقی اور خوشحالی لائیگا،انہوں نے مزید کہا کہ پاک فوج اور چائنیز لبریشن میں تعاون جاری رہیگا، اس موقع پر چینی سفارت کار نے پاک آرمی کا سی پیک کی سکیورٹی کے حوالے سے اطمینان کا اظہار کیا۔