نوشیرہ فیروز ، اسلام آباد، نوابشاہ (نمائندگان خبریں) سابق صدر آصف علی زرداری نے کہا ہے کہ نوازشریف کو پاکستان کی فکر نہیں ہے، پیپلزپارٹی نے پہلے بھی پاکستان کو بچایاتھا اور مستقبل میں بھی پی پی ہی ملک کو بچائے گی، ان خیالات کا اظہار انہوں نے نوشیرہ فیروز کے گاو¿ں قلندر بخش میچو اور بھریاسٹی میں جلسہ عام سے خطاب کرتے ہوئے کیا، انہوں نے کہا کہ پاکستان عالمی سطح پر تنہائی کا شکار ہوتا جارہاہے، جس کا واضح ثبوت ٹرمپ اور مودی کی دھمکیاں ہیں مگر افسوس کی بات ہے کہ نوازشریف خاموش تماشائی بنے ہوئے ہیں، انکو صرف اپنی اور اپنی بیٹی مریم نواز کی فکر ہے، لیکن ہم پاکستانی عوام کو یقین دلاتے ہیں کہ پی پی قیادت نے پہلے بھی پاکستان کھپے کا نعرہ لگاکر پاکستان کو بچایاتھا اور مستقبل میں بھی پیپلزپارٹی ہی پاکستان کو بچائے گی، انہوں نے کہا کہ سپریم کورٹ کے فیصلے پر مٹھائیاں بانٹنے والے آج جے آئی ٹی پر حملے کررہے ہیں، تاکہ جے آئی ٹی کو متنازع بنایا جائے مگر پاکستانی عوام ان کو سمجھ چکی ہے کہ اب چھوٹ سے کام نہیں چلے گا، انہوں نے کہا کہ جمہوریت کی قدر نہ ہی نوازشریف کو ہے اور نہ ہی عمران خان کو ، جمہوریت کی خاطر پیپلزپارٹی نے جیلیں کاٹی ہیں، میاں صاحب وہ وقت بھول گئے جب پیپلزپارٹی کا احتساب کیاجاتاتھا اور محترمہ بے نظیر بھٹو کئی بار عدالتوں میں پیش ہوکر اپنا احتساب کرواچکی ہیں، میاں صاحب نے آئی ٹی تو ابھی شروعات ہے ،آگے بہت سی چیزیں باقی ہیں، آصف علی زرداری نے کہا ہے کہ نواز شریف اور سابق چیف جسٹس افتخارچوہدری نے مل کر پی پی حکومت کے خلاف سازش کی، نواز شریف بدنیت شخص ہیں، جو اپنا بویا ہوا کاٹ رہے ہیں۔ عیدالفطر کے روز زداری ہاوس میں کارکنوں سے خطاب کرتے ہوئے ان کا کہنا تھا کہ ہم نے چھوٹے صوبوں کو 18ویں ترمیم کے ذریعے حقوق دیے، ہم نے عوام کی خدمت کی ہے ہماری نیت صاف ہے۔ 2018 کے عام انتخابات میں پیپلز پارٹی ملک بھر سے بھاری اکثریت سے کامیاب ہوگی کارکن مایوس نہ ہوں مستقبل پیپلزپارٹی کا ہے، جن کارکنوں کو نظرانداز کیا گیا ہے ان کو آگے لایا جائے گا۔ ان کی شکایت دور کی جائیں گی۔ سابق صدر آصف علی زرداری کا کہنا ہے کہ مریم نواز کی بات آئی ہے تو ان کو تکلیف ہوگئی ہے، وہ زمانہ بھول گئے جب ہماری انٹروگیشن ہوتی تھی۔ پیپلزپارٹی کے کو چیئرمین آصف علی زرداری نے نوشہروفیروز میں تقریب سے خطاب کرتے ہوئے مزید کہا کہ آج ان کو پتا لگ رہا ہے احتساب کیا ہوتا ہے، یہ تو ابتدا ہے ان کےساتھ تو کچھ ہوا ہی نہیں۔ انہوں نے کہا کہ کل امریکا کا پاکستان کے خلاف بیان آیا تو چین نے ہماری مدد میں بیان جاری کیا،چین کے ساتھ سرمایہ کاری پیپلزپارٹی کا تحفہ ہے۔ سابق صدر کا کہنا ہے کہ بھٹو کا دیا ہوا آئین ہم نے مکمل کیا ، پہلے بھی کہا تھا کہ یہ آراو الیکشن تھے لیکن جمہوریت کے خاطر سب قبول کیا ۔ آصف علی زرداری کا یہ بھی کہنا ہے کہ مجھے جمہوریت کی قد ر ہے، جبکہ نوازشریف کو نہیں ہے،حکمران ہمارے احتساب کو بھول چکے ہیں۔ انہوں نے سوال کیا کہ میاں صاحب آپ کو اب معلوم ہوا کہ احتساب کیا ہوتا ہے،تاریخ بتار ہی ہے میاں صاحب آپ چھپ نہیں سکتے ۔ آصف زرداری نے یہ بھی کہا کہ نوازشریف اور عمران خان کو جمہوریت کی فکر نہیں،دنیا بھر میں جانور اچھے ہیں جبکہ ہمارے پاس انسان بھی اچھی حالت میں نہیں۔ آصف علی زرداری نے کہا ہے کہ میاں نوازشریف کے خلاف احتساب کی ابتدا ہے میاں صاحب بھول گئے ہمارا احتساب انھوں نے کس طرح کیا، جمہوریت کی قدر میاں صاحب کو ہے نہ کپتان کو، قوم کو بہت سارے سوالوں کے جوابا ت کا انتظار ہے،ہم نے ملک کوجہاں چھوڑاتھا آج بھی وہیں کھڑا ہے ، پاکستان جس ڈگر پر کھڑاہے اس کا مطالعہ باآسانی ہوسکتا ہے، ہم نے پارلیمنٹ کو طاقت دی، اٹھارہویں ترمیم کے تحت صوبوں کواختیارات دیئے،سی پیک پیپلزپارٹی کا عوام کے لیے تحفہ ہے چین آج بھی ہمارے ساتھ ہے،جب امریکہ کا پاکستان کے خلاف بیان آیا تو چین نے ہماری مدد میں بیان جاری کیا،حکومت سے ٹیکس جمع نہیں ہوتا یہ ملک کیا چلائیں گے نیا پاکستان ہم بنائیں گے،بلاول بنائے گا،حکمرانوں نے بجلی کی قیمتیں ڈبل کردیں ، ان سے تیل کی قیمتیں کم نہیں ہوسکتیں۔ جمعرات کو یہاں پارٹی کارکنوں سے خطاب کرتے ہوئے آصف علی زرداری نے کہا ہے بہت سے سوالات ہیں۔ جن کے جوابات کا قوم کو انتظار ہے۔ انہوں نے کہاکہ ہم نے ملک کوجہاں چھوڑاتھا آج بھی وہیں کھڑا ہے۔انھوں نے کہا کہ پاکستان جس ڈگرپر کھڑا ہے ۔اس کا مطالعہ انٹرنیٹ پر بھی ہوسکتا ہے۔ماضی کے پاکستان اور اج کے پاکستان کا موازنہ باآسانی ہوسکتا ہے۔ میاں صاحب نے یہ حالت کردی کہ اج یہاں کے انسان بھی اچھے نہیں۔آصف زرداری نے کہا کہ ان سے تیل کی قیمت کم نہیں ہوسکتی ۔کل جب امریکہ کا پاکستان کے خلاف بیان آیا توچین نے ہماری مدد میں بیان جاری کیا۔ چین آج بھی ہمارے ساتھ ہے۔حکمرانوں نے بجلی کی قیمتیں ڈبل کردیں۔چین کے ساتھ سرمایہ کاری پیپلزپارٹی کاتحفہ ہے۔انھوں نے کہا کہ بھٹو کا 1973 کا آئین ہم نے مکمل کیا۔ آٹھارویں ترمیم کے تحت صوبوں کی اختیارات دیئے۔ ہم نے پارلیمنٹ کو پاور دی۔نہیں دی ہوتی تو آج میاں صاحب صدر ہوتے ۔یہ بھول چکے بی بی کو کتنی بار کورٹس میں گھسیٹا کرتے تھے۔ میاں صاحب ابھی تو ابتدا ہے۔میاں صاحب کے خلاف احتساب کی تو ابھی ابتدا ہے ۔میاں صاحب بھول گئے ہمارے احتساب انھوں نے کس طرح کیا۔جمہوریت کی قدر میاں صاحب کو ہے نہ کپتان کو۔ انھوں نے کہا کہ مستقبل میں پاور پلانٹس کیٹی بندرمیں لگیں گے ۔ انہوںنے کہا کہ حکومت سے ٹیکس جمع نہیں ہوتا۔ سی پیک پیپلزپارٹی کا عوام کے لیے تحفہ ہے۔ موجودہ حکمران تیل کی قیمت کم نہیں کرسکتے تو یہ ملک کیا چلائیں گے۔ کتنے بھی پاور پلانٹ لگالیں ،یہ چل نہیں سکتے۔ آصف زرداری نے دعویٰ کیا کہ نیا پاکستان ہم بنائیں گے ۔انہوں نے کہاکہ یہ پاکستان بلاول بنائے گا۔

کراچی(خصوصی رپورٹ)امریکی جاسوس ریمنڈ ڈیوس نے اپنی نئی کتاب میں اپنی پاکستان میں گرفتاری سے لے کر رہائی تک کی سنسنی خیز داستان بیان کردی ہے، ریمنڈ ڈیوس کے مطابق اسے کوٹ لکھپت جیل سے رہا کرانے میں جان کیری، نواز شریف، آصف زرداری، جنرل پاشا اور حسین حقانی نے مل کر مدد کی، ڈی جی آئی ایس آئی کے علاوہ بھی خفیہ ایجنسی کے کئی اہلکار اس کی رہائی کے وقت عدالت میں موجود تھے، پاکستان سے رہائی کیلئے جنرل پاشا نے جتنی مدد کی شاید ہی کسی نے کی ہو، رہائی کے وقت جنرل پاشا لاہور کی سیشن عدالت میں موجود تھے، جنرل پاشا کے ہاتھ میں موبائل فون تھا جس کے ذریعے وہ عدالت کی سماعت سے متعلق امریکی سفیر کیمرون منٹر کو اپ ڈیٹ کررہے تھے،جان کیری کی نواز شریف سے ملاقات کے بعد رہائی کے راستے ہموار ہونا شروع ہوئے،اس کی رہائی کے بعد جنرل پاشا کو مدت ملازمت میں توسیع بھی مل گئی تھی ۔

لاہور (اپنے سٹاف رپورٹرسے) وزیراعلیٰ پنجاب محمد شہباز شریف نے ہداےت کی ہے کہ ممکنہ سیلاب کے پیش نظر تمام متعلقہ وفاقی و صوبائی ادارے ہمہ وقت چوکس رہیں اور صوبائی و وفاقی محکمے آپس میں قریبی رابطہ رکھ کر کام کریں۔ کسی بھی ناگہانی صورتحال سے نمٹنے کیلئے تمام تیاریاں ہر لحاظ سے پوری رکھی جائیں۔ ضروری مشینری و آلات مکمل فنکشنل ہونے چاہئیں۔ صوبائی، ڈویژن اور اضلاع کی سطح پر فلڈ ایمرجنسی کنٹرول رومز 24 گھنٹے فنکشنل رکھے جائیں۔ بارش کی صورت میں شہری علاقوں سے نکاسی آب کے حوالے سے انتظامات میں کوتاہی برداشت نہیں کروں گا۔ وزےراعلیٰ نے شدید بارشوں کے باعث ہونےوالے مختلف حادثات میں جاں بحق ہونےوالے افراد کے لواحقین کیلئے مالی امداد میں اضافے کی منظوری دیتے ہوئے کہا کہ جاں بحق افراد کے ورثاءکی مالی امداد 5 لاکھ روپے سے بڑھا کر 8 لاکھ روپے کردی گئی ہے جبکہ حادثات میں زخمی ہونےوالے افراد کیلئے بھی مالی امداد میں اضافہ کر دیا گیا ہے۔ وزیراعلیٰ پنجاب نے اپنا ہیلی کاپٹر صوبائی کابینہ کمیٹی برائے فلڈ کے حوالے کرتے ہوئے کہا کہ صوبائی کابینہ کمیٹی برائے فلڈ کے اراکین دوروں کیلئے پنجاب حکومت کا ہیلی کاپٹر استعمال کرسکیں گے اور کابےنہ کمےٹی کو جب بھی ہےلی کاپٹر کی ضرورت ہوگی اسے ترجےحی بنےادوں پر دےا جائے گا۔ وزےراعلیٰ محمد شہبازشرےف نے ان اقدامات کی منظوری آج ےہاں 3 گھنٹے طویل ویڈیو کانفرنس کے دوران دی، جس مےں مون سون اور ممکنہ سیلاب کے پیش نظر کئے جانےوالے حفاظتی اقدامات کا تفصیلی جائزہ لیا گیا۔ وزےراعلیٰ محمد شہبازشرےف نے وےڈےو کانفرنس سے خطاب کرتے ہوئے کہا کہ دریاﺅں میں پانی کی صورتحال کو 24 گھنٹے مانیٹر کیا جائے۔ محکمہ موسمیات اگر مگر سے کام نہ چلائے بلکہ جدید ٹیکنالوجی سے استفادہ کرتے ہوئے موسم کے بارے میں مستند معلومات فراہم کرے۔ وزےراعلیٰ نے محکمہ موسمیات کیلئے بروقت ریڈار نہ خریدنے پر برہمی کا اظہار کرتے ہوئے کہا کہ گزشتہ برس واضح ہدایات کے باوجود فیصلے پر عملدرآمد نہ ہونا انتہائی افسوسناک ہے۔ تاخیر کے ذمہ داروں کےخلاف سخت کارروائی ہوگی۔ ڈی واٹرنگ سیٹ اور دیگر ضروری مشینری کا تھرڈ پارٹی آڈٹ کرانے کی ہدایت کرتے ہوئے وزےراعلیٰ نے کہا کہ پانی کو صاف رکھنے کی گولیاں اور سانپ کے کاٹنے کی دوا کا وافر ریکارڈ رکھا جائے۔ محکمہ صحت فرسٹ ایڈ فراہم کرنے کی ٹیموں کو تیار رکھے اور ضروری ادوےات کا سٹاک رکھا جائے۔ جانوروں کی ویکسینیشن اور ان کے چارے کیلئے پیشگی انتظامات مکمل رکھے جائیں۔ انہوں نے کہا کہ صوبائی وزراءاور سیکرٹریز بھی ممکنہ سیلاب سے بچاﺅ کیلئے انتظامات کی نگرانی کریں گے اور اس ضمن میں صوبائی وزراءاور سیکرٹریز کو ذمہ داریاں تفویض کی جائیں گی۔ سیالکوٹ کے برساتی نالوں میں پانی کے بہاﺅ کو 24 گھنٹے مانیٹر کیا جائے۔ وزےراعلیٰ نے ہداےت کی کہ ڈیرہ غازی خان اور راجن پور کے پہاڑی نالوں میں پانی کی صورتحال پر مسلسل نظر رکھی جائے۔ نالہ لئی سمیت دیگر نالوں کے اردگرد تجاوزات ہٹانے کا حکم دےتے ہوئے وزےراعلیٰ نے ہداےت کی کہ کمشنرز اور ڈپٹی کمشنرز حفاظتی پشتوں اور بندوں کے دورے کریں۔ ممکنہ سیلاب کے چیلنج سے نمٹنے کیلئے صوبائی محکموں کی مکمل تیاری ہونی چاہیئے۔ کاغذی کارروائی نہیں چلے گی۔ پیشگی انتظامات کا تھرڈ پارٹی آڈٹ ہوگا۔ تھرڈ پارٹی آڈٹ کے سرٹیفکیٹس کی موقع پر جا کر چیکنگ کی جائے۔ وزےراعلیٰ نے ہداےت کی کہ صوبائی وزیر آبپاشی اور صوبائی وزیر تعمیرات و مواصلات اور متعلقہ سیکرٹریز غیر اعلانیہ دورے کرکے ممکنہ سیلاب سے بچاﺅ کے انتظامات کا جائزہ لیں۔ وزیراعلیٰ نے پینے کے صاف پانی کا مناسب سٹاک رکھنے کی بھی ہدایت کی ۔ وزیراعلیٰ پنجاب محمد شہباز شریف نے عیدالفطر کے موقع پر عوام کے جان و مال کے تحفظ کیلئے بہترین سیکورٹی انتظامات پر صوبائی کابینہ کمیٹی برائے امن و امان کوشاباش دی ہے۔ وزیراعلیٰ نے کہا ہے کہ عیدالفطر کے اجتماعات کے دوران شاندار سیکورٹی انتظامات پر پولیس قانون نافذکرنے والے اداروں کی کارکردگی لائق ستائش رہی۔ عید کے موقع پر صوبائی کابینہ کمیٹی کے اراکین نے بہترین سکیورٹی انتظامات کئے جس کے باعث شہریوں نے پرامن اور پرسکون ماحول میں نماز عیدالفطر ادا کی۔ وزیراعلیٰ پنجاب محمد شہبازشریف نے شدید بارشوں کے باعث مختلف حادثات میں قیمتی انسانی جانوں کے ضیاع پر دکھ اور افسوس کا اظہار کیا ہے۔ وزیراعلیٰ پنجاب محمد شہبازشریف نے سرگودھا موٹروے انٹر چینج کے قریب ٹریفک حادثے میں ایک ہی خاندان کے 5 افراد کے جاں بحق ہونے کے واقعہ پر گہرے دکھ اور افسوس کا اظہار کیا ہے۔ وزیراعلیٰ پنجاب محمد شہبازشریف نے شاہ کوٹ میں مسافر وین میں آگے لگنے سے 3افراد کے جاں بحق ہونے کے واقعہ پر افسوس کا اظہار کیا ہے۔ وزیراعلیٰ نے جاںبحق افرا دکے لواحقین سے ہمدری اور تعزیت کا اظہار کیا ہے۔

اسلام آباد (خصوصی رپورٹ)یکم جولائی سے پٹرول کی قیمت میں 3روپے 30پیسے فی لٹر اور ڈیزل کی قیمت میں پونے 3روپے فی لٹر تک کمی جبکہ مٹی کے تیل کی قیمت میں 11روپے اور لائٹ ڈیزل کی قیمت میں 7روپے فی لٹر اضافہ کا امکان ہے۔ تفصیلات کے مطابق اوگرا نے پٹرولیم مصنوعات کی قیمتوں میں ردوبدل کی سمری وزارت پٹرولیم کو ارسال کردی ہے۔ ذرائع کے مطابق پٹرول کی قیمت میں 3روپے 30پیسے ، ڈیزل کی قیمت میں 2روپے 70 پیسے فی لٹر کمی جبکہ مٹی کے تیل کی قیمت میں 11روپے اور لائٹ ڈیزل آئل کی قیمت میں 7 روپے فی لٹر اضافے کا امکان ہے۔ پٹرولیم مصنوعات کی قیمتوں میں کمی یا اضافے کا فیصلہ وزارت پٹرولیم کی حتمی منظوری کے بعد ہی کیاجائیگا۔

کراچی (خصوصی رپورٹ) وزیراعلیٰ سندھ اور آئی جی اے ڈی خواجہ گلے لگ گئے۔ عیدالفطر کے دوسرے روز اے ڈی خواجہ وزیراعلیٰ سندھ مراد علی شاہ کے پاس پہنچے اور ان سے عید ملے۔ مراد علی شاہ نے اے ڈی خواجہ سے کچھ دیر بات چیت بھی کی۔ اس سے قبل سندھ حکومت کے کئی اجلاسوں میں اے ڈی خواجہ کو نہیں بلایا گیا۔ وزیراعلیٰ سندھ سے دیگر سینئر افسر بھی وزیراعلیٰ ہاﺅس میں عید ملے۔ ایڈیشنل آئی جی سندھ ثناءاللہ عباسی، ایڈیشنل آئی جی کراچی مشتاق مہر سمیت متعدد عہدیدار بھی مراد علی شاہ سے عید ملے۔
گلے لگ گئے