اسلام آباد (خصوصی رپورٹ) پیپلزپارٹی چھوڑ کر تحریک انصاف میں شامل ہونے والے سنیٹر بابراعوان کے استعفے کے بعد ان کی نشست پر ہونے والے انتخاب کے نتیجے میں ایوان بالا میں پیپلزپارٹی کی اکثریت ختم ہو کر مسلم لیگ (ن) کو مل جائے گی۔ ذرائع کے مطابق بابراعوان کے استعفے کے بعد پنجاب کی جنرل سیٹ پر اب مسلم لیگ (ن) کا سنیٹر واضح برتری سے منتخب ہو جائے گا جس سے سینٹ میں مسلم لیگ (ن) کے اراکین کی تعداد 26سے بڑھ کر 27جبکہ پیپلزپارٹی کے ممبران 27سے کم ہو کر 26ہو جائیں گے۔ پیپلزپارٹی کے سینئرر ہنما نے بتایا کہ مارچ 2012ءمیں یہ نشست مسلم لیگ (ن) کے ساتھ مفاہمت کے نتیجے میں حاصل ہوئی تھی کیونکہ پنجاب سے پیپلزپارٹی کو مطلوبہ اراکین کی حمایت کے باوجود پیپلزپارٹی کے امیدوار اسلم گل کو شکست کا سامنا کرنا پڑا جس کی وجہ پیپلزپارٹی اور مسلم لیگ (ن) کی بیک ڈور مفاہمت تھی۔
اکثریت ختم
