Tag Archives: sheikh rasheed

شیخ رشید توہین عدالت کیس؛ سپریم کورٹ کا کمشنر اور ڈی سی راولپنڈی پر اظہار برہمی

اسلام آباد(ویب ڈیسک) سپریم کورٹ شیخ رشید کے خلاف توہین عدالت کیس میں کمشنر اور ڈی سی راولپنڈی پر برہمی کا اظہار کیا ہے۔

سپریم کورٹ میں وزیر ریلوے شیخ رشید کے خلاف توہین عدالت کیس کی سماعت ہوئی تو کمشنراور ڈپٹی کمشنر راولپنڈی عدالت میں پیش ہوئے۔

سپریم کورٹ نے عدالتی حکم عدولی پر دونوں افسران پر برہمی کا اظہار کیا۔ جسٹس عظمت سعید نے کہا کہ دونوں افسران اپنے لئے دوسری نوکری تلاش کریں، آپ دونوں افسران راولپنڈی میں نوکری کے قابل نہیں، آپ کہہ دیں کہ جن بھوت آ کر دیوارمسمار کرگئے۔
ڈی سی راولپنڈی نے کہا کہ ہم نے عدالتی فیصلے کی توہین نہیں کی، میں لاہورمیں تھا، اطلاع ملی تو اسسٹنٹ کمشنر کو بھجوایا۔

جسٹس اعجاز الاحسن نے کہا کہ عدالتی فیصلے پرعمل کرانا ڈی سی کی ذمہ داری تھی، کیا لاہورمریخ پر ہے جو آپ لاتعلق ہوگئے تھے، کیا گرلز گائیڈ اسکول کی دیوار خود گر گئی یا آندھی نے گرا دی؟، کس کے حکم پردیوار گرائی گئی؟، اسسٹنٹ کمشنراور ایس ایچ او نے خود دیوار گرانے کی نگرانی کی۔

ایڈیشنل ایڈووکیٹ جنرل پنجاب نے بتایا کہ دیوار دوبارہ تعمیر کر دی گئی ہے۔ جسٹس عظمت سعید نے کہا کہ آپ دیوار نہ بھی تعمیر کریں تو مسئلہ نہیں، ہم خود کروا لینگے، ڈی سی اور کمشنر شاید عدالت کو مذاق سمجھتے ہیں، عدالت کیساتھ مذاق کیا تو اڈیالہ تک دونوں افسران ہنستے ہی جائیں گے۔

راولپنڈی کی ڈسٹرکٹ گرلزگائیڈ کی وکیل عائشہ حامد نے کہا کہ راشد شفیق نے ڈی سی کی شیخ رشید سے بات کرائی، جنہوں نے ڈی سی کو دیوار گرانے کی ہدایات دیں۔
جسٹس عظمت سعید نے کہا کہ ڈی سی صاحب مناسب ہوگا آپ لوگ وکیل کر لیں۔ جسٹس اعجاز الاحسن نے کہا کہ خود جتنا بولیں گے اتنا نقصان اٹھائیں گے، کسی کو خوش کرنے کیلئے عدالتی حکم کی خلاف ورزی کی گئی۔

پبلک اکاؤنٹس کمیٹی میں آ رہا ہوں روک سکو تو روک لو، شیخ رشید

گوجرانوالا (ویب ڈیسک) وزیرریلوے شیخ رشید نے قومی اسمبلی میں اپوزیشن لیڈر شہبازشریف کو مخاطب کرتے ہوئے کہا ہے کہ میں پبلک اکاؤنٹس کمیٹی میں آ رہا ہوں روک سکو تو روک لو۔گوجرانوالہ میں میڈیا سے  بات کرتے ہوئے وفاقی وزیرشیخ رشید کا کہنا تھا کہ اب ایک نہیں دو پبلک اکاؤنٹس کمیٹیاں ہوں گی، ایک پی اے سی چوروں اور لٹیروں کی جب کہ دوسری چوکیداروں کی ہو گی، شہباز شریف مجھے پبلک اکاؤنٹس کمیٹی میں رکن بننے سے روکنے کی بھر پور کوشش کر رہے ہیں لیکن انہیں کہتا ہوں صبر کرو، شہباز شریف میں پبلک اکاونٹس کمیٹی میں آ رہا ہوں روک سکو تو روک لو۔شیخ رشید کا کہنا تھا کہ ڈاکوؤں اور چوروں کو پی اے سی کا چئیرمین بنانے کا کوئی اخلاقی جواز نہیں، میاں برادران مر جائیں گے مگر لوٹی ہوئی دولت واپس نہیں کریں گے، شہباز شریف میں چلو بھر بھی اخلاقی قوت ہو تو وہ کس منہ سے نیب والوں کو بلائیں گے۔وفاقی وزیر کا کہنا تھا کہ ڈونلڈ ٹرمپ پاکستان آئیں گے، امریکا میں اکیلے ٹرمپ کی نہیں بلکہ 9 حکومتیں ہیں،  پینٹا گان بھی ہے، سی آئی اے بھی ہے، اب امریکہ کو حقائق کا علم ہو گیا ہے۔

قبل از وقت انتخابات میں کوئی قباحت نہیں، شیخ رشید

پشاور(ویب ڈیسک) وزیر ریلوے شیخ رشید نے کہا ہے کہ قبل از وقت عام انتخابات کرانے میں کوئی قباحت نہیں۔پشاور میں پریس کانفرنس کے دوران وزیر ریلوے نے کہا کہ ہمارے پاس وسائل نہیں، ہمیں لٹا پٹا خزانہ ملا ہے، انگریز جو ٹریک چھوڑ کر گیا ہے اس میں بھی کمی آئی ہے، ریلوے ٹریک کا ڈھانچہ تبدیل کررہے ہیں اس سلسلے میں پشاور سے کراچی تک نئے ٹریک کا معاہدہ مارچ سے پہلے کریں گے،رحمان بابا ایکسپریس کا کرایہ سب سے کم ہوگا اور ٹرین کم وقت میں کراچی پہنچے گی۔شیخ رشید نے کہا کہ میں پاکستان کا سب سے باخبر سیاستدان ہوں، ملک میں مزید مہنگائی ہو سکتی ہے، قبل از وقت عام انتخابات کرانے میں کوئی قباحت نہیں۔ یہاں صرف غریب کو سزا ملتی ہے، بڑے لوگ گرفتار بھی ہوئے تو اسپتالوں میں چلے جائیں گے، ملک لوٹنے والے پاکستان میں معزز کیوں کہلائیں؟ کس قانون کے تحت ریمانڈ کے دوران پروڈکشن آرڈر ہوتے ہیں۔وزیر ریلوے نے کہا کہ سب سے بڑے چور شہباز شریف کو دودھ کی رکھوالی پر بٹھادیا ہے، انہوں نے اپنی گوٹی فٹ کرلی ہے، نواز شریف کے لیے 24 تاریخ اہم ہے، نوازشریف کو شہباز شریف اورچوہدری نثارکی بات اب سمجھ آرہی ہے، آصف زرداری کے گرفتاری پر 2 سے 3 ہفتے ٹریلر چلے گا اور ہلکی پھلکی موسیقی ہوگی لیکن پکا راگ کسی کے پاس نہیں۔

شہبازشریف ایماندارہیں تو (ن) لیگ میں کوئی کرپٹ نہیں ہے، شیخ رشید

لاہور(ویب ڈیسک) وزیر ریلوے شیخ رشید کا کہنا ہے کہ اگر شہباز شریف ایماندار ہیں تو پھر مسلم لیگ (ن) میں کوئی کرپٹ نہیں ہے۔لاہور میں میڈیا سے بات کرتے ہوئے شیخ رشید نے شہباز شریف کو پبلک اکاؤنٹس کمیٹی کا چیئرمین بنانے کے حکومتی فیصلے پر کہا کہ عمران خان چاہتے ہیں کہ تمام چور، ڈاکو اور کرپٹ لوگ جیلوں میں چلے جائیں، اگر ایسا نہیں ہوتا تو وہ کیا کریں، دودھ کی رکھوالی پر بلا بٹھانے سے ہمیں کوئی پزیرائی نہیں ملی، اگر شہباز شریف دیانتدار ہیں تو پھر مسلم لیگ (ن) میں کوئی کرپٹ نہیں۔ مارچ کے آخر تک جھاڑو پھر جائے گا پھر صرف اللہ کا نام ہی رہے گا۔شیخ رشید کا کہنا تھا کہ دنیا میں سب سے مشکل کام وزارت اطلاعات چلانا، مجھے اس کا اندازہ ہے کیونکہ میں 4 مرتبہ اس کا وزیر رہا ہوں۔ خواجہ سعد رفیق کے والد کا مرتے دم تک احترام کروں گا یہ بڑے باپ کے چھوٹے بیٹے ہیں، ہمارا تو کسی نے پروڈکشن آرڈر نہیں کیا، میری ماں کا جنازہ تھا اور مجھے کلاشنکوف کیس میں گرفتار کر لیا گیا۔شیخ رشید کا کہنا تھا کہ ریلوے کا محکمہ عوام کی امیدوں پر پورا اترے گا،شدید دھند میں راولپنڈی سےلاہورٹرین چلانےکامنصوبہ ہے، اس کے لیے کنٹرول ہیڈروم کو جدید بنانے کے لئے اقدامات کررہے ہیں، ہم اپنے پٹرول پمپ بنا کر ایک ارب روپے بچانے کی کوشش کریں گے، اس کے لیے ہم نے 25 کروڑ کے ایندھن کو محفوظ کرلیا ہے،ٹکٹ کے بغیر سفر کرنے والوں کے خلاف کارروائی تیز کریں گے، رحمان بابا ایکسپریس 23 دسمبر کو پشاور سے کراچی کے لئے روانہ ہوگی۔

اپنے قد سے بڑے کام کرنا سابق حکومت کی بڑی غلطی تھی: شیخ رشید

لاہور(ویب ڈیسک ) وزیر ریلوے شیخ رشید کا کہنا ہےکہ سابق حکومت کی بڑی غلطی تھی وہ اپنے قد سے بڑے کام کررہے تھے اور ہر آدمی نے نوازشریف کو سمجھایا کہ اپنے سے بڑا کام نہ کرو۔لاہور میں میڈیا سے گفتگو کرتے ہوئے شیخ رشید احمد نےکہا کہ نوازشریف اور مریم کی ڈیل نہیں ہوئی اس لیے انہوں نے خاموشی توڑ دی جب کہ شہبازشریف این آر او کے لیے 90 کے زاویے سے مرے جارہے ہیں، ان کی میڈیکل رپورٹ آتی ہے کہ چھت کھلی ہونی چاہیے۔وزیر ریلوے کا کہنا تھا کہ شہبازشریف کے لیے اے سی لگا ہونا چاہیے، حوالات میں بیڈہو اور ناشتہ بہترین دیا جائے، ایسی سہولتیں اور ہفتے میں دوبار اسمبلی سے خطاب کا موقع مجھے دے کر قیدی بنایا جائے تو کبھی ضمانت کی درخواست نہ کروں۔انہوں نےکہا کہ سابق حکومت کی بڑی غلطی تھی وہ اپنے قد سے بڑے کام کررہے تھے، ہر آدمی نے نوازشریف کو سمجھایا کہ اپنے سے بڑا کام نہ کرو۔شیخ رشید نےمزید کہا کہ وزیراعظم کو تین یا پانچ سال میں الیکشن کرانےکا قانونی اور آئینی حق ہے۔وزیر ریلوے نے بتایا کہ 31 دسمبر تک ہمارے پاس ٹکٹ کی گنجائش نہیں ہوگی، دو مال گاڑیاں رواں ماہ شروع کررہے ہیں، دونوں پر کنٹینرز لانے لیجانے کی سہولت ہوگی۔انہوں نے کہا کہ لاہور اور راولپنڈی کے درمیان ایک اور ٹرین چلانے کا مںصوبہ ہے، تمام ریلوے ٹریک تبدیل کریں گے۔

تمام سیاستدان مر جائیں تو بھی نواز شریف نے شہباز شریف کو وزیراعظم نہیں بننے دینا، شیخ رشید

ملتان( ویب ڈیسک )عوامی مسملی لیگ کے سربراہ شیخ رشید نے ایک بار پھر مسلم لیگ (ن) کو تنقید کا نشانہ بناتے ہوئے کہا ہے کہ اگر پاکستان کے تمام سیاستدان مر جائیں تو بھی نواز شریف نے شہباز شریف کو وزیراعظم نہیں بننے دینا۔ملتان میں پریس کانفرنس کرتے ہوئے شیخ رشید کا کہنا تھا کہ نواز شریف کا وزیراعظم بن بن کر بھی دل نہیں بھرا، نواز شریف کا ایجنڈا ہے کہ انہیں عدالتوں سے سزا نہ ہو اور الیکشن دو سال کے لیے ملتوی ہو جائیں، لیکن ہم چاہتے ہیں کہ الیکشن ہوں اور اداروں کو آنکھیں دکھانے والوں کا سدباب ہو۔سربراہ عوامی لیگ نے کہا کہ نواز شریف عدلیہ کو للکار کر جمہوریت کی خدمت نہیں کر رہے، انہیں یہاں تک مریم بی بی لیکر آئیں ہیں اور اگلا کام بھی وہ خود ہی کردیں گی۔ایک سوال کے جواب میں شیخ رشید کا کہنا تھا کہ طاہر القادری کا نام ای سی ایل میں آنے سے پہلے ہی نوازشریف کا ایگزٹ کنٹرول لسٹ میں آ جائے گا۔شیخ رشید کا کہنا تھا کہ حدیبیہ پیپر ملز کا کیس تیار کر لیا ہے جس کا اعلان ڈیرہ غازی خان کے جلسے میں اعلان کروں گا۔ انہوں نے کہا کہ پاکستان کے تمام سیاستدان مر جائیں تو بھی نواز شریف نے شہباز شریف کو وزیراعظم نہیں بننے دینا۔

زیادہ دولت کس نے لوٹی ؟؟

 اسلام آباد(ویب ڈیسک)عوامی مسلم لیگ کے سربراہ شیخ رشید احمد نے کہا ہے کہ نوازشریف سے زیادہ دولت اسحاق ڈارنے لوٹی لیکن اب لندن، دبئی اور سعودی عرب میں بے نامی دولت کی تحقیقات شروع ہوگئی ہیں۔ پارلیمنٹ ہاؤس اسلام آباد کے باہر میڈیا سے گفتگوکرتے ہوئے شیخ رشید احمد نے کہا کہ انہیں مسلم لیگ (ن) کا دھڑن تختہ ہوتے ہوئے نظرآرہا ہے، اس وقت طاہر القادری ہی نہیں بلکہ پوری قوم ہی دھرنے میں ہے، اگر آصف زرداری اور طاہر القادری کے درمیان اتحاد ہوتا ہے تو ملک گیر اپوزیشن کا ماحول بن جائے گا اورمولانا فضل الرحمان بھی آصف زرداری کے کسی نہ کسی تعویز میں آجائیں گے اور سینیٹ الیکشن سے پہلے کک مارچ ہو جائے گا۔عوامی مسلم لیگ کے سربراہ کا کہنا تھا کہ ہر سال 200 ارب روپے کی چوری کا بل عام آدمی کی جیب میں ڈال دیا جاتا ہے، نوازشریف سے زیادہ دولت اسحاق ڈارنے لوٹی لیکن اب لندن، دبئی اورسعودی عرب میں بے نامی دولت کی تحقیقات شروع ہوگئی ہیں۔ انہوں نے کہا کہ نواز شریف اور شہباز شریف جھوٹوں کے آئی جی ہیں جب کہ رانا ثنا اللہ ملک میں فرقہ وارانہ فساد کے موجد ہیں۔

حالات کی خرابی کے ذمہ دار نواز شریف ہیں: شیخ رشید

مانچسٹر(آن لائن) عوامی مسلم لیگ کے سربراہ شیخ رشید احمد نے کہا ہے کہ پاکستان میں حالات کی خرابی کے ذمہ دار نواز شریف ہیں، نواز شریف کا کوئی سیاسی مستقبل نہیں دیکھ رہا۔ اتوار کے روز مانچسٹر میں پریس کانفرنس کرتے ہوئے عوامی مسلم لیگ کے سربراہ شیخ رشید احمد نے کہا کہ نواز شریف کو ماضی میں عدلیہ کے فیصلے قبول تھے۔ اب انگلیاں اٹھا رہے ہیں۔ کرپٹ مافیا کا بچنا اب مشکل ہے۔ سب کی کرپشن پکڑی جائے گی۔ انہوں نے کہا کہ پاکستان میں حالات کی خرابی کے ذمہ دار نواز شریف ہیں۔ نواز شریف کا کوئی سیاسی مستقبل نہیں ۔ پیپلز پارٹی نواز شریف کا سہارا نہیں بنے گی۔ 2018 میں انتخابات ہوتے نہیں دیکھ رہا۔

دھرنا شہادتوں کی ذمہ دار حکومت، شیخ رشید

اسلام آباد (ویب ڈیسک )پاکستان عوامی تحریک کے سربراہ شیخ رشید نے کہا ہے کہ نا موس رسالت کے خلاف کوئی بات قبول نہیں ، اس ملک میں گستاخ رسول کسی صورت نہیں ہونگے۔ان کا کہنا تھا کہ سب کچھ نواز شریف کی ایما پر ہو رہا ہے ،ن لیگ کا وطیرہ ہے کام ہوتو پاﺅں ورنہ گلے پڑ جاﺅ۔پریس کانفرنس سے خطاب کرتے ہوئے انہو ں نے کہا کہ دھرنے والوں سے معاہدہ پہلے دن بھی ہو سکتا تھا لیکن حکومت نے دھرنے کے ساتھ نا اہلی اور بھونڈے طریقے سے نمٹا۔ان کا کہنا تھا کہ بے نظیر شہید ہسپتال میں 2نوجوانوں کی حالت ابھی بھی تشویشنا ک تھی ،ہسپتالوں پر میڈ یکل رپورٹ نہ دینے کے لیے دباﺅ ہے۔انہوں نے کہا کہ شہد افراد کی میڈیکل رپورٹ نہیں دی گئی ،کن طاقتوں کی وجہ سے میڈ یکل رپورٹ نہیں دی جا رہی ، آپریشن کے دوران شہادتوں کی ذمہ دارحکومت ہے۔

نواز ،شہباز شریف کیخلاف سلطانی گواہ ،چونکا دینے والی خبر

اسلام آباد (مانیٹرنگ ڈیسک) عوامی مسلم لیگ کے سربراہ شیخ رشیدنے کہاہے کہ ایبٹ آبادمیں نوازشریف نے پاکستان کے سب سے چھوٹے گراؤنڈمیں جلسہ کیا، میں جلسے میں موجودہوتاتونوازشریف کوکہتاچل جھوٹا،نوازشریف اس ملک کی فوج کوتباہ کرناچاہتے ہیں ،نوازشریف جنرل قمرجاویدباجوہ کامتبادل ڈھونڈرہے تھے ،ملک کی سیاسی صورتحال20دسمبرتک واضح ہوجائیگی ،مارچ میں موجودہ حکومت کی مارچ ہوجائے گی۔اتوارکے روزنجی ٹی وی کوانٹرویودیتے ہوئے انہوں نے کہاکہ نوازشریف بھول گئے ہیں کہ انہیں کیوں نکالاگیا،نوازشریف بھول گئے کہ وہ دس سال کامعاہدہ کرکے بیرون ملک فرارہوگئے تھے ،پھربھی وہ کہتے ہیں میں ڈرنے والانہیں ہوں ،شیخ رشیدنے کہاکہ نوازشریف کی حالت قابلرحم ہے ،کچھ دنوں بعدنوازشریف کوعوام پتھرمارنانہ شروع کردیں ،نوازشریف یہ تاثردینے کی کوشش کررہے ہیں کہ ان کے ساتھ زیادتی ہوئی ،نوازشریف عوام کویہ نہیں بتارہے کہ ان کے خلاف سپریم کورٹ سے نظرثانی اپیل کافیصلہ کیاآیاہے ،نوازشریف ایبٹ آبادکے سب سے چھوٹے گراؤنڈمیں جلسہ کیا، اگرمیں ایبٹ آبادمیں ہوتاتوزورسے کہتاچل جھوٹا،نوا ز شریف نے جونیجوسے کواتارجونوازشریف کے محسن تھے ۔انہوں نے کہاکہ شریف خاندان کوجسٹس عبدالقیوم جیساجج چاہئے ،نوازشریف کسی فوجی جرنیل کوہتھکڑی لگواناچاہتے ہیں ،موجودہ آرمی چیف جنرل قمرجاویدباجوہ کونوازشریف نے خودآرمی چیف بنایا،نوازشریف بعدمیں قمرجاویدباجوہ کوہٹاناچاہتے تھے ،نوازشریف کی آج تک کسی جرنیل سے نہیں بنی ،نوازشریف کوئی جرنیل بٹ ڈھونڈرہے ہیں ،نوازشریف کاایجنڈااس ملک کی فوج کوتباہ کرناہے ۔انہوں نے کہاکہ جب 1999ء میں مارشل لاء لگاتوقدرت کی طرف سے مجھے پہلے ہی ارشاہ مل گیاتھامیں نے چھ دن پہلے ہی اپناسامان پیک کرلیاتھا،نوازشریف کواس وجہ سے مجھ پرشک ہواکہ مجھے کیسے پہلے پتہ چل گیا۔نوازشریف ووٹ کے تقدس کی بات کررہے ہیں ،عمران خان چارسال تک چارحلقوں کی بات کرتے رہے لیکن ان کی نہیں سنی گئی ،خواجہ سعدرفیق آج بھی سٹے آرڈرپرہیں ۔جب انصاف ختم ہوجاتاہے توملک تباہ ہوجاتاہے ۔انہوں نے کہاکہ نوازشریف لوگوں کوخریدنے کافن خوب جانتے ہیں ،سی پیک منصوبے کے اصل فیصلے دبئی میں ہوئے تھے ،ادھرصرف دیکھاواہوتاہے ۔انہوں نے کہاکہ اگرپی پی پی اورایم کیوایم حلقہ بندیوں کے لئے ترمیم کیلئے ووٹ نہ دیتی توحکومت کے پاس 228ارکان نہ ہوتے اوربل نہ پاس ہوتا،بل پاس ہونے کے دن ن لیگ کے صرف68ارکان موجودتھے ،ملکی معیشت دم توڑرہی ہے ،حکومت کے پاس قرضے کی قسط دینے کیلئے پیس نہیں ہیں ۔آرمی چیف اوروزیراعظم سعودی عرب جارہے ہیں ،پیسے لینے کیلئے ۔انہوں نے کہاکہ 20دسمبرتک نوازشریف کے خلاف سب کیسزکے فیصلے آجائیں گے ،مارچ میں موجودہ حکومت کک مارچ ہوجائے گی ،ماڈل ٹاؤن کافیصلہ بھی جلدآجائے گا،ماڈل ٹاؤن کافیصلہ آنے کے بعدجن پولیس اہلکاروں کوشہبازشریف نے باہربھیج دیاتھاوہ سلطانی گواہ بن جائیں گے ۔اسحاق ڈاربھی سلطانی گواہ بن جائیں گے ،اگراسحاق ڈارملک واپس آئے توحدیبیہ کیس میں وہ اپناپرانابیان واپس دیں گے ۔انہوں نے کہاکہ بیس دسمبرتک ملک کی صورتحال واضح ہوجائے گی ۔اب مارشل لاء لگانے والی فوج نہیں رہی ،مشرف دورکے چالیس سے ساٹھ ممبران اسمبلی اگلی حکومت میں بھی شامل ہوں گے ،یہ ممبران پی پی پی کے ساتھ بھی موجودرہے اوراب ن لیگ کے ساتھ موجودہیں ۔انہوں نے کہاکہ ختم نبوت کامسئلہ خودپیداکیاگیا،یہ سازش تھی ،فیض آبادمیں بیٹھے لوگ اس بات پرسچے ہیں کہ دھرنے والوں کوایمبولینس اورلوگوں کاخیال رکھناچاہئے ،ختم نبوت قانون کے لئے بڑے برے مولویوں نے سینٹ میں ووٹ دیا،میں نے ختم نبوت قانون میں غلطی کی نشاندہی کی ،سیون اے اورسیون بی میں نے شامل کرایا۔شیخ رشیدنے کہاکہ ڈیرہ اسماعیل خان واقعے کے حوالے سے مجھے خاص علم نہیں ہے ،لوگ آج اپنی مرغی کوخودگولی مارکرالزام دوسرے پرلگادیتے ہیں ،عمران خان کبھی ناانصافی کاساتھ نہیں دیں گ

چوہدری نثار، سعد رفیق اور شاہد خاقان عباسی بھی پارٹی چھوڑ دیںگے ،شیخ رشید

 راولپنڈی: عوامی مسلم لیگ کے سربراہ شیخ رشید کا کہنا ہے کہ (ن) لیگ کی اینٹیں نکلنا شروع ہوگئی ہیں اور بہت جلد چوہدری نثار، سعد رفیق اور شاہد خاقان عباسی بھی پارٹی چھوڑ دیں گے۔راولپنڈی میں لال حویلی کے باہر جلسے سے خطاب کرتے ہوئے سربراہ عوامی مسلم لیگ کا کہنا تھا کہ اسلام اور پاکستان ہے تو ہم ہیں ناموس رسالت کے لئے تمام مسالک کے افراد یک جاں ہیں، اگر کسی نے بھی پاکستان یا اسلام کے خلاف سازش کی تو اس کا جینا مشکل کردیا جائے گا۔ ان کا کہنا تھا کہ (ن) لیگ کی اینٹیں نکلنا شروع ہوگئی ہیں اور بہت جلد چوہدری نثار، خواجہ سعد رفیق اور شاہد خاقان عباسی بھی پارٹی چھوڑ دیں گے۔شیخ رشید کا کہنا تھا کہ جو لوگ یہ کہتے تھے کہ میں اسمبلی میں نہیں آؤں گا آج وہ خود اسمبلیوں میں آنے سے ڈرتے ہیں، مجھے اسمبلی میں نہ دیکھنے کے خواہش مند ناکام ہوچکے ہیں اور میں ان کی جڑوں میں بیٹھ گیا ہوں، میں نے اکیلے ہی حدیبیہ پیپرز کا کیس لڑا اور کہا تھا کہ پاکستان اور کرپشن ساتھ ساتھ نہیں چل سکتے پاناما کیس میں سپریم کورٹ سے ثبوت اور تابوت دونوں نکلیں گے۔

سربراہ عوامی مسلم لیگ نے کہا کہ عدالت عظمیٰ کے 5 معزز ججز نے جان بوجھ کر گنجائش رکھی تاکہ نوازشریف اور ان کا خاندان اپنے جعلی کاغذات کا دفاع کرسکیں لیکن سپریم کورٹ نے نوازشریف کا لحاظ کیا اور وہ چورن بیچنا شروع ہوگئے، ہمارا مال کھانے والے ہی آج ہمیں آنکھیں دکھاتے ہیں، یہ وہ لوگ ہیں جنہوں نے البرکہ بینک میں 33 ملین ڈالر جمع کرائے اور اس کا ایک ایک چیک نمبر موجود ہے، ایل این جی کیس میں 20 ارب روپے کی کرپشن کی گئی اور جس دن حدیبینہ پیپرز کا کیس کھل گیا تو سارا شریف خاندان پھنس جائے گا۔ نوازشریف کی صاحبزادی جب نیب عدالت پیش ہوتی ہیں تو عدالت کے قریب تمام راستے بند کردیئے جاتے ہیں انہیں ملک کے وزیراعظم سے زیادہ پروٹوکول کیوں دیا جاتا ہے، جس قوم میں غیرت ختم ہوجائے ان کے حکمران نوازشریف جیسے ہی ہوتے ہیں۔