لاہور (خصوصی رپورٹ) حضرت علی ہجویری المعروف داتا گنج بخشؒ کے مزار اقدس کی تقریب غسل آج دوپہر ایک بجے دوپہر داتا دربار میں منعقد ہوگی جس میں وفاقی وزیر خزانہ اسحاق ڈار وزیراوقاف پنجاب زعیم قادری، سیکرٹری اوقاف عہد الجبار شاہین اور ڈائریکٹر جنرل اوقاف پنجاب ڈاکٹر طاہر رضا بخاری سمیت اہم شخصیات شرکت کریں گی۔ اوقاف ذرائع کی جانب سے غسل کی تقریب میں وزیراعلیٰ پنجاب شہباز شریف کی آمد کے دعوے بھی کیے جا رہے ہیں، تاہم ایوان وزیراعلیٰ کے ذرائع کے مطابق پشاور بم دھماکے کے بعد اس حوالے سے رات گئے تک کوئی حتمی فیصلہ نہیں کیا جا سکا تھا۔ دربار حضرت سید علی بن عثمان الہجویریؒ کو پانچ من عرق گلاب سے غسل دیا جائے گا۔
