Tag Archives: channel

سیاست سے واقفیت اور بیک گراﺅنڈ نالج پر کوئی ضیا شاہد کا مد مقابل نہیں :طاہر القادری

لاہور (وقائع نگار) پاکستان عوامی تحریک کے قائد ڈاکٹر طاہر القادری سے گزشتہ روز چیف ایڈیٹر خبریں و چیئرمین چینل فائیو ضیاشاہد نے ان کی رہائش گاہ پر ملاقات کی، جس کے دوران ملک کے سیاسی حالات پربھی تبادلہ خیال کیا گیا۔ ضیاشاہد نے اس موقع پر ڈاکٹر طاہر القادری کو اپنی تازہ تصانیف کے نئے شائع ہونے والے ایڈیشن پیش کئے، کتب کے حوالے سے ڈاکٹر طاہر القادری کا کہنا تھا کہ اس وقت نئی نسل کو پاکستان کی تاریخ سے آگاہی کے لیے ایسی کتب کی ضرورت ہے تاکہ وہ اپنے وطن کی اصل شناخت اور تخلیق کے مقصد سے آگاہ ہو سکیںجبکہ ان کتب کے اتنی کم مدت میں تیسرے یا چوتھے ایڈیشن کی اشاعت اس کا بین ثبوت ہے۔ ضیاشاہد کی صحافتی پیشہ ورانہ خدمات کو خراج تحسین پیش کرتے ہوئے انہوں نے کہا کہ پاکستان میں اس وقت بیک گراﺅنڈ نالج اور ملکی سیاست سے واقفیت کے علاوہ صحافتی اور معاشرتی اصلاح کےلئے اپنی ذمہ داری ادا کرنے والی کوئی اور ایسی شخصیت موجود نہیں جو ان کے مدمقابل ہو۔ ملک میں موجود صحافتی اداروں کو جدید رجحانات سے روشناس کرانے کا سہرا بھی انہی کے سر ہے۔ ملاقات میں خبریں کراچی کے ریذیڈنٹ ایڈیٹر وحید جمال بھی موجود تھے۔