All posts by admin

روہنگیا کے مسلمانوں کیلئے تر ک صدر نے عملی قدم اُٹھا لیا، برمی مسلمانوں میں خوشی کی لہر دوڑ اُٹھی

لاہور:ترکی نے روہنگیا مسلمانوں کی امداد کیلئے 10ہزارٹن خوراک بھیجنے کااعلان کیا ہے،جبکہ کسی بھی ادارے کوروہنگیا میں امدادی سرگرمیوں کی اجازت نہیں ہے۔میڈیا رپورٹس کے مطابق ترکی کے صدرطیب اردوان نے میانمارکی صدرآنگ سان سوچی کوٹیلیفون کیا،جس میں روہنگیامسلمانوں پرمظالم کانوٹس لینے کامطالبہ کیاگیا۔ترک صدرنے روہنگیامسلمانوں کیلئے امداد بھیجنے کی اجازت بھی لی۔ میانمارکی صدر نے ترکی کوامدادی سرگرمیوں کی اجازت دے دی ہے۔ترکی نے برمامیں روہنگیامسلمانوں کی مدد کیلئے 10ہزارٹن خوراک بھیجنے کافیصلہ کیاہے۔ امدادی سامان میں ادویات، پانی اورکھانے کی اشیاء شامل ہیں۔واضح رہے میانمار میں روہنگیامسلمانوں کیلئے کسی بھی امدادی ادارے کو سرگرمیوں کی اجازت نہیں۔

روہنگیا ئی مسلمانوں کیلئے بنگلا دیشی کسان نے وہ کام کر دکھایا کہ سب حیران

ڈھاکہ (ویب ڈیسک) انسانی خدمت کا جذبہ دولت یا حیثیت کی بناءپر پروان نہیں چڑھتا بلکہ یہ ایک خداداد خاصیت ہوتی ہے جو کہ چند افراد کو عطا کی جاتی ہے، میانمار میں روہنگیا مسلمانوں پر ظلم و ستم کا بازار گرم ہوا تو وہ لوگ خلیج بنگال کے پانیوں میں گمنام منزلوں کی جانب چل پڑے، لٹے پٹے قافلے بنگلہ دیش کی سرحد پر پہنچے تو انہیں واپس بھیج دیاگیا، جس کے بعد سینکڑوں روہنگیا خلیج بنگال میں ڈوب کر جاں بحق ہوگئے ، مگر ایسے حالات میں بنگلہ دیش کا ایک غریب کسان ان کی مدد کو پہنچ گیا ، غیر ملکی صحافیوں نے ” مقامی ہیرو“ کے نام سے ایک بنگلہ دیشی کسان کی تصویر سوشل میڈیا پر شیئر کی ہے جس میں ان کا کہنا ہے کہ یہ شخص گھر کا سارا سامان لیکر دریاے ناف پر لٹے پٹے روہنگیا مسلمانوں کے قافلے کی مدد کو پہنچ گیا ہے ، اس کسان نے اپنے کندھوں پر سامان سے بھرے ہوئے تھیلے اٹھا رکھے ہیں جبکہ اس کے دونوں ہاتھوں میں بھی سامان دیکھا جاسکتا ہے ، یہی نہیں بلکہ اس کسان نے اپنی بنیان کے اندر بھی پانی کی بوتلیں اور کھانے کی اشیاءاٹھا رکھی ہیں، اس بنگلہ دیشی کسان نے ایثار کی لازوال داستان رقم کرکے عالمی دنیا اور خود اپنی حکومت کو شرمندہ کردیا ہے۔

تحریک انصاف کرپشن کا الزامات دینے سے قاصر، جواباً ایم ڈی خیبربینک کو فارغ کر دیا

پشاور:اتحادیوں کی خوشنودی کی ضرورت یا اصولی مؤقف؟ خیبر پختونخوا حکومت نے بڑا فیصلہ کر لیا۔ صوبائی حکومت نے ایم ڈی خیبر بینک کو مزید توسیع نہ دینے کی منظوری دیدی۔ ایم ڈی خیبر بینک کی تعیناتی کے لئے عنقریب اشتہار دیا جائے گا۔ یاد رہے کہ ایم ڈی خیبر بینک نے وزیر خزانہ مظفر سید کے خلاف اخبارات میں اشتہار دیا تھا جس میں مذکورہ اشتہار میں صوبائی وزیر خزانہ پر کرپشن کے الزامات لگائے گئے تھے۔ مظفر سید کا تعلق پی ٹی آئی حکومت کی سب سے بڑی اتحادی جماعت جماعت اسلامی سے ہے۔

خیبر پختونخواہ کی حکومتی جماعت تحریک انصاف نے بینک آف خیبر کے ایم ڈی شمس القیوم کو مدت ملازمت میں توسیع کی مخالفت کر دی۔تفصیلات کے مطابق وزیراعلیٰ پرویز خٹک کی زیر صدارت صوبائی کابینہ کا اجلاس منعقد ہوا جس میں خیبر بینک کے ایم ڈی کو عہدے سے ہٹائے جانے کی پالیسی کی باضابطہ منظوری دے دی گئی۔صوبائی کابینہ کے مطابق ایم ڈی خیبر بینک نے وزیر کے خلاف اخبار کو اشتہار دے کر ملازمتی معاہدے کی خلاف ورزی کی جب کہ شمس القیوم کو 7 دن میں پوزیشن کلئیر کرنے کے لئے نوٹس جاری کرنے کی منظوری بھی دی گئی ہے۔

2017کی بہترین سیلفی کا اعزاز ایک مسلمان حاجی کے نام۔۔کیا وجہ بنی ؟

مکہ المکرمہ ( ویب ڈیسک ) ایک ”حاجی صاحب“ نے سال کی سب سے بہترین سیلفی بنانے کا اعزاز اپنے نام کر لیا ہے اور ایسا کام کرتے ہوئے سیلفی بنائی ہے جو آج تک کسی کے وہم و گمان میں بھی نہ تھا۔ یہ حاجی صاحب فریضہ حج کی ادائیگی کے دوران جب شیطان کو کنکریاں مارنے پہنچے تو اس موقع پر سیلفی بنانا بھی ضروری سمجھا۔بس پھر کیا تھا، ایک ہاتھ میں سمارٹ فون تھاما اور دوسرے میں کنکر پکڑ کر شیطان کو مارنے کا سٹائل بنایا اور ”کڑچ“ کر کے سیلفی بنا لی۔ ان کے اس انداز میں سیلفی لیتے ہوئے وہاں موجود ایک اور نامعلوم شخص نے تصویر بنا لی جو سوشل میڈیا پر جنگل میں آگ کی طرح پھیل چکی ہے اور ہر کوئی ”حاجی صاحب“ کے اس سٹائل پر ’فدا‘ نظر آ رہا ہے۔