لاس اینجلس (شوبزڈیسک) امریکی میڈیا سروس کمپنی نیٹ فلیکس نے گلوکارہ بیونسے کے ساتھ تین پراجیکٹس پر مبنی60 ملین ڈالر کا معاہدہ طے کر لیا۔ ذرائع ابلاغ کے مطابق نیٹ فلیکس نے حال ہی میں گلوکارہ بیونسے کی 2018ءمیں کوچیلا میں پرفارمنس پر ایک دستاویزی فلم ”ہوم کمنگ“ بنائی جس کا پریمئر 17اپریل کو دکھایا گیا، اور اب وہ دو اور پراجیکٹس بھی بیونسے کے ساتھ کام کریں گے جس کے لئے انہوں نے 60 ملین ڈالر کا معاہدہ کیا ہے۔یاد رہے کہ بیونسے بین الاقوامی گلوکارہ کے طور پر پوری دنیا میں جانی اور مانی جاتی ہیں اور ان کے فینز کی تعداد بھی کروڑوں میں ہے ۔ ان کا کہنا تھا کہ یہ سب کچھ انہوں نے مسلسل محنت سے حاصل کیا ہے۔
