اوسلو (مانیٹرنگ ڈیسک) ناروے کے شہر ایجرسینڈ میں مسجد کو آگ لگادی گئی، جس کے نتیجے میں مسجد کو شدید نقصان پہنچا، پولیس حکام کے مطابق ممکنہ طور پر شر پسندوں نے آگ لگائی۔ ناروے میں شرپسندوں عناصر نے مسجد کو آگ لگادی۔ آتشزدگی کے سبب مسجد کی عمارت کو شدید نقصان پہنچا۔ پولیس نے آگ لگانے کی تحقیقات کا آغاز کردیا ہے۔ تاہم ابتدائی طور پر خدشہ ظاہر کیا ہے کہ شرپسند نے ہی مسجد میں آگ لگائی ہے۔ آگ لگنے کے واقعے میں کسی جانی نقصان کی اطلاع نہیں ملی تاہم عمارت کا بڑا حصہ آتشزدگی کی نظر ہوا، مقامی مسلمانوں نے واقعے پر شدید غم وغصے کا اظہار کیا ہے۔ یاد رہے کہ نیوزی لینڈ میں مساجد پر مسلح حملے کے بعد مسلمانوں کے خلاف دوسری کارروئی ہے، گزشتہ ماہ سانحہ کرائسٹ چرچ میں 49مسلمان شہید ہوئے تھے۔