تازہ تر ین

سابق فاسٹ باﺅلر سرفراز نواز دل کی بیماری کے باعث لندن کے ہسپتال میں داخل

لندن (آن لائن) پاکستان کے مایہ ناز سابق فاسٹ بالر سرفراز نواز دل کی بیماری کے باعث لندن کے ہسپتال میں داخل ہو گئے ہیں۔70 سالہ سرفراز نواز کو ریورس سوئنگ کا موجد کہا جاتا ہے جنہوں نے اپنے دور میں بڑے بڑے بلے بازوں کی ناک میں دم کئے رکھا۔ انہوں نے 55 ٹیسٹ میچوں میں پاکستان کی نمائندگی کرتے ہوئے 177 وکٹیں حاصل کیں جبکہ 45 ون ڈے انٹرنیشنل میں بھی قومی ٹیم کا حصہ رہے اور 63 کھلاڑیوں کو شکار کیا۔اس کے علاوہ انہوں نے فرسٹ کلاس کرکٹ میں ایک ہزار 5 وکٹیں حاصل کر رکھی ہیں۔ انہوں نے 1979میں آسٹریلیا کیخلاف میلبورن میں تاریخی کارکردگی دکھاتے ہوئے ناصرف 86 رنز کی عمدہ اننگز کھیلی بلکہ زبردست بالنگ کا مظاہرہ کرتے ہوئے صرف 33 گیندوں پر ایک سکور دیا اور 7 وکٹیں بھی حاصل کیں جبکہ اس ٹیسٹ میچ میں انہوں نے کل 9 وکٹیں حاصل کر کے قومی ٹیم کو ناقابل یقین جیت دلائی۔



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv