تازہ تر ین

پاکستانی ویمنز نے کالی آندھی کا حساب چکا دیا ،دوسراون ڈے 34رنزسے جیت لیا

دبئی (اے پی پی) آئی سی سی ویمن کرکٹ چیمپئن شپ میں سدرہ امین اور ندا ڈار کی شاندار بیٹنگ، دیانا بیگ اور ثناءمیر کی عمدہ باﺅلنگ کی بدولت پاکستان ویمن ٹیم نے ویسٹ انڈیز ویمن کو دوسرے ایک روزہ میچ میں 34 رنز سے شکست دے دی، پاکستانی ویمن ٹیم پہلے کھیلتے ہوئے 49.4 اوورز میں 240 رنز بنا کر آﺅٹ ہو گئی، سدرہ امین نے 96 اور ندا ڈار نے 81 رنز کی دلکش اننگز کھیلیں، جواب میں ویسٹ انڈین ویمن ٹیم مطلوبہ ہدف کے تعاقب میں 49.4 اوورز میں 206 رنز بنا کر آﺅٹ ہو گئی، میک لین کی 82 رنز کی اننگز بھی ٹیم کو شکست سے نہ بچا سکی، دیانا بیگ نے 4 اور ثناءمیر نے 3 کھلاڑیوں کو آﺅٹ کیا، سدرہ امین میچ کی بہترین کھلاڑی قرار پائیں۔ ہفتہ کو دبئی میں کھیلے گئے دوسرے ایک روزہ میچ میں پاکستانی ویمن ٹیم پہلے کھیلتے ہوئے 49.4 اوورز میں 240 رنز بنا کر آﺅٹ ہو گئی، سدرہ امین اور ندا ڈار نے انتہائی شاندار بلے بازی کا مظاہرہ کرتے کرتے ہوئے حریف باﺅلرز کی خوب درگت بنائی، سدرہ امین 96 اور ندا 81 رنز بنا کر نمایاں رہیں، ناہیدہ خان 3، جویریہ خان 5، کپتان بسمعہ معروف 8، عالیہ ریاض 6، ثناءمیر 21، کائنات امتیاز 1، سدرہ نواز 3 اور دیانا بیگ 4 رنز بنا کر آﺅٹ ہوئیں، دیندرا ڈوٹن اور شکیرا نے 2، 2 وکٹیں لیں۔ جواب میں ویسٹ انڈیز ویمن ٹیم مطلوبہ ہدف حاصل کرنے میں ناکام رہی اور پوری ٹیم 49.4 اوورز میں 206 رنز بنا کر آﺅٹ ہو گئی، میک لین کی 82 رنز کی اننگز بھی ٹیم کے کام نہ آئی، کپتان سٹیفنی ٹیلر 48 رنز کے ساتھ دوسری نمایاں کھلاڑی رہیں، دیانا نے 4، ثناءمیر نے 3، ناشرہ نے 2 اور ندا ڈار نے ایک وکٹ لی۔



خاص خبریں


ziazia shahid

سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv