لاہور(مانیٹرنگ ڈیسک) سابق فرسٹ کلاس کرکٹر طاہر شاہ نے کہا ہے کہ جنوبی افریقہ کی پچز بہت تیز ہیں۔اصل چیزیہ ہے آپ نے کس طرح باﺅلرز کو کھیلنا ہے کس طرح پلاننگ کرنی ہے ۔چینل فائیو کے پروگرام گگلی میں گفتگو کرتے ہوئے انہوں نے کہا کہ پاکستانی ٹیم کوفٹ ورک کی طرف توجہ دینے کی ضرورت ہے۔پہلے کھلاڑی اتنی زیادہ حفاظتی کٹ نہیں پہنتے تھے اور بے خوف ہو کر کھیلتے تھے لیکن اب ایسا نہیں۔فرحان خان بہت اچھا وکٹ کیپر ثابت ہو سکتا ہے۔انہوں نے کہا کہ ٹیم میں فاسٹ باﺅلرز کو کارکردگی دکھانی ہو گی۔حسن علی کو فٹنس مسائل بہت زیادہ ہیں۔شاہین شاہ کو کھلانا چاہئے وہ بہتر ین باﺅلر ہے۔انہوں نے کہا کہ آسٹریلیا نے بھارت کو ٹف ٹائم دیا۔آسٹریلیا کی باﺅلنگ کافی متاثر کن تھی جس طرح کوہلی آﺅٹ ہوئے کوہلی خود حیران تھے۔
