لاہور(شوبزڈیسک)بالی وڈ سٹار رجنی کانت اوراکشے کمار کی جوڑی نے عامر خان کے بعد سلمان خان کو بھی مات دے دی۔ ” ٹوپوائنٹ زیرو2.0“ نے” ٹھگز آف ہندوستان“ کے بعد ”ریس تھری“ کو بھی بزنس میں پیچھے چھوڑ دیا ۔جدید سپیشل ایفیکٹس ، حیرت انگیز کہانی اور شاندار پرفارمنسز سے مزین بالی وڈ کی میگا سائنس فکشن فلم ” ٹوپوائنٹ زیرو2.0“ کی دوسرے ہفتے میں بھی باکس آفس پر حکمرانی برقرار ہے ۔کیدارناتھ بھی بزنس میںکوئی فرق نہیں ڈال سکی۔ ہندی زبان میں مجموعی بزنس 167کروڑ ہوگیا ہے ‘ ٹھگز آف ہندوستان کابزنس 152اورریس تھری کا 166 کروڑتھا۔فلم کی نمائش چند ہفتے مزید جاری رہے گی ۔ دوسری جانب تامل ، تیلگو اور تھری ڈی فارمیٹ میںفلم کامجموعی بزنس پہلے ہی 600کروڑ سے زائد ہو چکا ہے ۔
جبکہ” ٹوپوائنٹ زیرو2.0“ باہوبلی سمیت کئی دیگر سپر ہٹ فلموں کے باکس آفس بزنس کے ریکارڈ کو توڑ چکی ہے ۔۔