دبئی (شوبزڈیسک) دنیا کی بڑی رئیل اسٹیٹ کمپنی عمار نے بالی ووڈ اداکارہ پریانکا چوپڑا اور نک جونس کو برج خلیفہ کے ٹاپ فلور پر دوبارہ شادی کی دعوت دیدی۔ خلیج ٹائمز کی رپورٹ کے مطابق دبئی کی رئیل اسٹیٹ کمپنی عمار کی جانب سے پریانکا چوپڑا اور نک جونس کودعوت دی گئی ہے کہ وہ ایک مرتبہ پھر دبئی میں اپنی شادی کریں۔ سماجی رابطے کی ویب سائٹ ٹوئٹر پر دبئی کی کمپنی عمار نے اپنے ٹوئٹر ہینڈل پر دو تصاویر شیئر کی ہیں جس میں ایک تصویر پریانکا اور نک کی شادی کی ہے جبکہ دوسری تصویر برج خلیفہ کے ٹاپ فلور کی ہے اور ساتھ ہی انہوں نے لکھا کہ پریانکا اور نک جونس کی محبت کی کہانی نے انہیں شدید متاثر کیا ہے اور وہ انہیں دعوت دیتے ہیں کہ یہ جوڑا یہاں آئے اوربرج کے ٹاپ پر شادی کرے۔عمار نے اپنے ٹوئٹ میں مزید کہا کہ اگر پریانکا اور نک ایسا کرنا چاہتے ہیں تو وہ انہیں براہ راست ایک میسیج کریں جس کے بعد شادی کی تقریب کے تمام انتظامات وہ خود کریں گے تاہم پریانکا اور نک نےاب تک اس ٹوئٹ کا جواب نہیں دیا ہے۔
