لاہور(خصوصی رپورٹ)مسلم لیگ (ن )کے سینیٹر مصدق ملک پر ایک خاتون نے الزام عائد کیا ہے کہ ان کے پانچ سالہ بچے کو لیگی رہنما نے جنسی ہراساں کیا۔تفصیلات کے مطابق مسلم لیگ ن کے سینیٹر اور سابق وزیراعظم نوازشریف کے ترجمان مصدق ملک کی نااہلی کے لیے ایک خاتون نے الیکشن کمیشن آف پاکستان میں درخواست دائر کردی۔ والدہ نے الیکشن کمیشن میں دائر درخواست میں استدعا کی کہ لیگی رہنما کو آرٹیکل 62 ون ایف کے تحت نااہل کیا جائے۔الیکشن کمیشن اف پاکستان کے ممبر سندھ عبدالغفار سومرو کی سربراہی میں تین رکنی بینچ نے درخواست کی سماعت کی جس میں خاتون نے ایک بار پھر اپنے الزام کو دہراتے ہوئے کہا کہ مصدق ملک نے امریکہ میں میرے بچے پر جنسی حملہ کیا۔الیکشن کمیشن نے درخواست گزار خاتون سے مزید شواہد طلب کرتے ہوئے کہا ہے کہ نوٹس جاری کرنے کے لیے ٹھوس ثبوتوں کی ضرورت ہے۔ بینچ نے خاتون کو ہدایت کی کہ وہ وکیل کی خدمات حاصل کر کے 5 دسمبر تک شواہد فراہم کریں تاکہ کارروائی آگے بڑھائی جاسکے۔یہ واقعہ سولہ سال قبل کا ہے مصدق ملک کے سی آئی اے کے ساتھ روابط کے باعث امریکہ میں کیس دبا دیا گیا۔
