تازہ تر ین

پاکستان نے نیوزی لینڈ کو دلچسپ مقابلے کے بعد 2 رنز سے شکست دیدی

ابوظہبی(ویب ڈیسک) تین ٹی ٹوئنٹی میچوں پر مشتمل سیریز کے پہلے میچ میں پاکستان نے نیوزی لینڈ کو دلچسپ مقابلے کے بعد 2 رنز سے شکست دے دی۔ابوظہبی کے شیخ زید اسٹیڈیم میں کھیلے گئے میچ میں نیوزی لینڈ کی جانب سے ہدف کے تعاقب میں اننگز کا آغاز گلین فلپس اور کالن منرو نے محتاط انداز میں کیا اور نیوزی لینڈ کی پہلی وکٹ 50 رنز پر گری اور حسن علی نے فلپس کو بولڈ کیا۔نیوزی لینڈ کے دوسرے آﺅٹ ہونے والے کھلاڑی کالن منرو تھے جو 58 رنز بناکر شاداب خان کا شکار بنے جب کہ تیسری وکٹ ولیم سن کی گری جو عماد وسیم کی گیند پر آﺅٹ ہوئے۔گرینڈ ہوم 6 رنز بناکر شادب خان کے ہاتھوں رن آﺅٹ ہوئے جب کہ نیوزی لینڈ کی پانچویں وکٹ اینڈرسن کی گری اور وہ حسن علی کی گیند پر شعیب ملک کے ہاتھوں کیچ تھما بیٹھے۔قبل ازیں قومی ٹیم کے کپتان سرفراز احمد نے ٹاس جیت کر پہلے خود بیٹنگ کا فیصلہ کیا۔پاکستان کی جانب سے اننگز کا آغاز بابراعظم اور صاحبزادہ فرحان نے کیا لیکن ان فارم بابراعظم صرف 7 رنز بنا کر ملنے کی گیند پر وکٹوں کے پیچھے کیچ آﺅٹ ہو گئے۔صاحبزادہ فرحان بھی 8 گیندوں پر صرف ایک رن بنا پائے اور اعجاز پٹیل کی گیند پر کیچ آﺅٹ ہو گئے۔دو کھلاڑیوں کے جلد آﺅٹ ہونے کے بعد آصف علی اور حفیظ کے درمیان اچھی شراکت قائم ہوئی اور حفیظ 45 رنز بنا کر آﺅٹ ہوئے۔آصف علی 24 رنز بنا کر آﺅٹ ہوئے جب کہ کپتان سرفراز احمد نے بھی 34 رنز کی ذمہ دارانہ اننگز کھیلی۔شعیب ملک 8 رنز بنا کر رن آﺅٹ ہوئے جب کہ عماد وسیم 14 اور فہیم اشرف 10رنز بنا کر ناٹ آﺅٹ رہے۔پاکستان نے مقررہ 20 اوورز میں 6 وکٹوں کے نقصان پر 148 رنز بنائے جب کہ نیوزی لینڈ کی جانب سے اعجاز پٹیل، اش سوڈھی اور گرینڈہوم نے ایک ایک کھلاڑی کو آﺅٹ کیا۔یاد رہے کہ دونوں ٹیموں کے درمیان متحدہ عرب امارات میں تین ٹی ٹوئنٹی، تین ون ڈے اور تین ٹیسٹ میچز پر مشتمل سیریز کھیلی جائے گی۔



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv