لاہور (رپورٹنگ ٹیم) کتاب کے مصنف، روزنامہ خبریں کے چیف ایڈیٹر ضیا شاہد نے تقریب سے خطاب کرتے ہوئے کہا کہ نوازشریف نے جو گاڑیاں خرید رکھی ہیں ان کے نمبر پلیٹس پر موٹر سائیکلز کے نمبر لگے ہوئے ہیں صرف اس لئے کہ رجسٹریشن فیس بچ جائے اس وقت گاڑیوں کی رجسٹریشن فیس تین لاکھ روپے تھی جو میرے لئے حیران کن تھی۔ جب پہلی دفعہ نواز شریف وزیراعظم بنے تو میں نے ان کو مشورہ دیا تھا کہ وہ اپنے تمام اثاثہ جات ڈکلیر کردو اور اپنے کاروبار سے الگ ہوجاﺅ تاکہ عوام میں ایک اچھا میسج جائے لیکن اس وقت خود شہباز شریف نے کہا کہ یہ کیسے ہوسکتا ہے کہ ہم اپنا کاروبار ختم کردیں ابھی تو ہمارے پاس اقتدار آیا ہے اور ہم یہ سب کچھ ختم کردیں ۔اگر اس وقت یہ لوگ میرا مشورہ مان لیتے تو آج یہ برے دن نہ دیکھنے پڑتے میں نے ہمیشہ نواز شریف کے ساتھ دوستی نبھائی جبکہ مجھے ان سے کوئی غرض نہیں تھی۔ تقریب کے اختتام پر ضیا شاہد نے تمام شرکا کا شکریہ ادا کیا۔
