تازہ تر ین

شیخ رشید کے بھتیجے کو اوور سیز ووٹرز نے جتوا دیا

اسلام آباد( خبرنگار خصوصی) قومی اسمبلی کے حلقہ این اے60کے ریٹرننگ افسر نے 14اکتوبر کو ہونے والے ضمنی انتخابات میں سمندر پار پاکستانیوں کے ووٹوں کے نتائج کا اعلان کر دیا ،اعلان کردہ نتائج کے مطابق پاکستان تحریک انصاف کے امیدوار شیخ راشد شفیق 400ووٹ لے کر پہلے نمبر جبکہ مسلم لیگ ن کے سجاد خان 54ووٹ لے کر دوسرے نمبر پر رہے ،اس طرح ضمنی الیکشن میں راشد شفیق کے حاصل کردہ ووٹوں کی مجموعی تعداد44883جبکہ ان کے مدمقابل سجاد خان کے ووٹوں کی تعداد43890ہو گئی ہے ای ووٹنگ کے ذریعے بیرون ممالک میں مقیم مجموعی طور پر460پاکستانیوں نے اپنا حق رائے دہی استعمال کیا جس میں راشد شفیق نے400ووٹ حاصل کئے جبکہ ان کے مد مقابل مسلم لیگ ن کے امیدوار سجاد خان کو54ووٹ ملے ،آزاد امیدوار ڈاکٹر اظہر اسلم نے 4ووٹ حاصل کئے جبکہ تحریک لبیک پاکستان کے امیدوار مولانا زاہد عقیل اور آزاد حیثیت سے الیکشن میں حصہ لینے والی لیگی امیدوار سجاد خان کی اہلیہ ڈاکٹر تہمینہ سجاد خان 1،1ووٹ حاصل کر سکے ای ووٹنگ میں پاکستان عوامی لیگ کے اصغر علی مبارک اور آزاد امیدوار آفتاب احمد قریشی ایک بھی ووٹ حاصل نہ کر سکے یاد رہے کہ 14اکتوبر کو ہونے والے ضمنی انتخابات میں راشد شفیق نے 44483جبکہ ان کے مد مقابل مسلم لیگ ن کے امیدوار سجاد خان نے43836ووٹ حاصل کیے تھے ،



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv