لندن (ویب ڈیسک) بھارت اور انگلینڈ کے درمیان پانچواں ٹیسٹ میچ اوول میں کھیلا جا رہا ہے اور مایہ ناز انگلش بلے باز الیسٹر کک اپنے کیرئیر کی آخری اننگز کھیلنے میں مصروف ہیں جنہوں نے انتہائی عمدہ بیٹنگ کرتے ہوئے سنچری بنا کر کیرئیر کے اختتام کو یادگار بنا لیا ہے۔الیسٹر کک نے بھارتی با?لرز کی خوب دھلائی کی اور عمدہ بلے بازی کرتے ہوئے 226 گیندوں پر 108 رنز بنائے جن میں 9 چوکے بھی شامل ہیں اور تاحال وہ کریز پر موجود ہیں جبکہ ان کی اس شاندار اننگز کی بدولت انگلینڈ کی میچ میں پوزیشن بھی انتہائی مضبوط ہو گئی ہے۔ الیسٹر کک کی ٹیسٹ کیرئیر میں یہ 33 ویں سنچری ہے اوردلچسپ بات یہ ہے کہ انہوں نے ٹیسٹ کیرئیر کا آغاز بھی سنچری بنا کر ہی کیا تھا۔ الیسٹر کک کی جانب سے اپنے ا?خری میچ میں سنچری بنانے پر ان کے ساتھی کھلاڑیوں نے بھی خوب جشن منایا جن کی ویڈیو سوشل میڈیا پر وائرل ہو رہی ہے۔ واضح رہے کہ الیسٹر کک نے انگلینڈ کی جانب سے ٹیسٹ کرکٹ میں سب سے زیادہ رنز بنانے کا اعزاز اپنے نام کر رکھا ہے اور انہوں نے مذکورہ ٹیسٹ میچ شروع ہونے سے پہلے ہی ریٹائرمنٹ کا اعلان کر دیا تھا۔
