’سنجو‘ 200 کروڑ کلب میں شامل ہونے والی رنبیر کی پہلی فلم

ممبئی(ویب ڈیسک) بالی وڈ اداکار رنبیر کپور کی فلم ’سنجو‘ 200 کروڑ کلب میں شامل ہونے والی ان کے کیریئر کی پہلی فلم بن گئی۔سنجے دت کی زندگی پر بننے والی فلم ’سنجو‘ کی ریلیز کا آٹھواں روز ہے اور باکس آفس پر ریکارڈ ب±ک کو الٹ پلٹ کرکے رکھ دیا ہے۔’سنجو‘ ریلیز کے پہلے روز سب سے زیادہ کمائی کرنے والی رواں سال کی پہلی فلم جب کہ تیسرے روز سب سے زیادہ بزنس کرنے والی بالی وڈ فلم ہے۔فلم نے اب نمائش کے ساتویں روز 200 کروڑ کا ہندسہ بھی عبور کرلیا ہے اور یہ رنبیر کپور کے فلمی کیریئر کی پہلی فلم بن گئی ہے جو 200 کروڑ کلب میں شامل ہوئی ہے۔فلم نے پہلے روز 34 کروڑ 75 لاکھ بھارتی روپے، دوسرے روز38 کروڑ 60 لاکھ روپے، تیسرے روز 46 کروڑ 71 لاکھ روپے، چوتھے روز 25 کروڑ 35 لاکھ روپے، پانچویں روز 22 کروڑ 10 لاکھ روپے، چھٹے روز 18 کروڑ 90 لاکھ روپے اور ساتویں روز 16 کروڑ 10 لاکھ روپے کا بزنس کرکے مجموعی طور پر 202 کروڑ 51 لاکھ بھارتی روپے کی کمائی کی ہے۔ رنبیر کی ’سنجو‘ نے 7 دن کی کمائی میں عامر خان کی ’تھری ایڈیٹس‘ کو بھی پیچھے چھوڑ دیا ہے جس نے 7 روز میں 202 کروڑ 47 لاکھ بھارتی روپے کا بزنس کیا تھا۔ فلم ’سنجو‘ کے شوز بھارت سمیت دنیا بھر میں کامیابی سے ہاو¿س فل جارہے ہیں جس کے بعد امید کی جارہی ہے کہ فلم جلد ہی 300 کروڑ کا ہندسہ بھی عبور کرلے گی۔ یاد رہے کہ ’سنجو‘ میں رنبیر کپور، پاریش راول، سونم کپور، وکی کوشال اور انوشکا شرما سمیت کئی اداکاروں نے اہم کردار کیے ہیں۔



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv