تازہ تر ین

ویمنز ایشیا ٹی 20:پاکستان لنکا کیخلاف فاتح

کوالالمپور (اے پی پی) ویمنز ٹی ٹونٹی ایشیا کپ کرکٹ ٹورنامنٹ میں ندا ڈار کی تباہ کن باﺅلنگ کی بدولت پاکستان نے سری لنکا کو ہرا کر دوسری کامیابی حاصل کر لی، ڈار نے 5 وکٹیں لیکر ٹیم کی جیت میں کلیدی کردار ادا کیا، بنگلہ دیش نے دفاعی چیمپئن بھارت کو اپ سیٹ شکست دے دی، میزبان ملائیشیا کو متواتر تیسری شکست کا سامنا کرنا پڑا۔ بدھ کو کھیلے گئے ایک میچ میں پاکستان ویمن نے سری لنکا ویمن کو 23 رنز سے ہرا کر ایونٹ میں کم بیک کیا، پاکستانی ٹیم نے پہلے کھیلتے ہوئے مقررہ اوورز میں 4 وکٹوں کے نقصان پر 136 رنز بنائے، کپتان بسمعہ معروف نے عمدہ بلے بازی کا مظاہرہ کرتے ہوئے 60 رنز کی دلکش اننگز کھیلی، ناہیدہ خان 38، جویریہ خان 13 منیبہ علی 5 اور ندا ڈار 3 رنز بنا کر آﺅٹ ہوئیں، نین عابدی 7 رنز بنا کر ناٹ آﺅٹ رہیں، کماری نے 2 وکٹیں لیں، جواب میں سری لنکن ویمن ٹیم ہدف کے تعاقب میں مقررہ اوورز میں 9 وکٹوں پر 113 رنز بنا سکی، مینڈس 25 اور ہنسیکا 24 رنز بنا کر نمایاں رہیں، ندا ڈار نے تباہ کن باﺅلنگ کا مظاہرہ کرتے ہوئے 5 کھلاڑیوں کو نشانہ عبرت بنایا، بسمعہ معروف اور ناشرہ نے ایک، ایک وکٹ لی، ایک اور میچ میں بنگلہ دیش ویمن نے دفاعی چیمپئن بھارت ویمن کو اپ سیٹ شکست دے کر دوسری کامیابی سمیٹی، بھارت نے پہلے کھیلتے ہوئے مقررہ اوورز میں 7 وکٹوں کے نقصان پر 141 رنز بنائے، کپتان ہرمنپریت کوہر 42 رنز بنا کر نمایاں رہیں، رومنا احمد نے 3 وکٹیں لیں، جواب میں بنگلہ دیش ویمن نے مطلوبہ ہدف آخری اوور کی چوتھی گیند پر 3 وکٹوں پر حاصل کیا، فرگانا حق 52 اور رومنا احمد 42 رنز بنا کر ناقابل شکست رہیں، تھائی لینڈ ویمن نے میزبان ملائیشیا ویمن کو 9 وکٹوں سے ہرا کر پہلی کامیابی سمیٹی۔ویمنز ٹی ٹونٹی ایشیا کپ کرکٹ ٹورنامنٹ میں آج مزید تین میچ کھیلے جائینگے اس سلسلے میں پہلا میچ بنگلہ دیش اور تھائی لینڈ کی ویمنز ٹیموں کے درمیان کھیلا جائیگا، دوسرا میچ ملائیشیا اورپاکستان کی ویمنز ٹیموں کے درمیان کھیلا جائیگا جبکہ تیسرا اور آخری میچ بھارت اور سری لنکن ویمنز ٹیموں کے درمیان کھیلا جائیگا۔ واضح رہے کہ ویمنز ٹی ٹونٹی ایشیا کپ کرکٹ ٹورنامنٹ کا فائنل میچ 10 جون کو کھیلا جائیگا۔



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv