پشاور (ویب ڈیسک) ایک ہی خاندان کے 3 بچے مبینہ طور پر انسداد پولیو ویکسین کے استعمال کے بعد جاں بحق ہوگئے، جب کہ محکمہ صحت نے واقعہ کا نوٹس لیتے ہوئے 48 گھنٹے میں رپورٹ طلب کرلی ہے۔
نجی ٹی وی کے مطابق پشاور شہر کے علاقے شاہین مسلم ٹاو¿ن میں مبینہ طور پر 3 بچے پولیو ویکسین لگنے کے بعد دم توڑ گئے، والدین کے مطابق 12 ماہ کے ریحان، 4 ماہ کے شہرام اور ایک ماہ کے عالیان کو پولیو ویکسینیشن سینٹر میں پولیو سے بچاو¿ کے ٹیکے لگائے گئے جس کے بعد ان کو تیز بخار ہو گیا اور یہ تینوں بجے جاں بحق ہوگئے۔جاں بحق تینوں ننھے بچوں کو سپرد خاک کر دیا گیا تاہم والدین نے حکومت سے واقعہ کا نوٹس لینے کا مطالبہ کیا ہے۔ دوسری جانب محکمہ صحت کے مطابق واقعہ کی تحقیقات کے لیے ماہرین کی ٹیم تشکیل دے دی گئی ہے جسے 48 گھنٹوں کے اندر رپورٹ پیش کرنے کی ہدایت کی گئی ہے۔

کابل(ویب ڈیسک ) افغانستان کے دارالحکومت کابل میں ہونے والے 2 دھماکوں کے نتیجے میں صحافیوں سمیت 25 افراد ہلاک ہوگئے۔خبر رساں ادارے رائٹرز کے مطابق پہلا دھماکا ششدرک کے علاقے میں افغان خفیہ ایجنسی ‘این ڈی ایس’ کے دفتر کے قریب ہوا، جبکہ دوسرا دھماکا 15 منٹ بعد وزارت شہری ترقی اور ہاؤسنگ کے ہیڈکوارٹرز کے باہر اُس وقت ہوا، جب وہاں صحافی اور سیکیورٹی اہلکار موجود تھے۔

اسلام آباد ( ویب ڈیسک ) نئے شناختی کارڈ کی فیسوں میں اضافے کے بعد ایک اور اعلان نادرا نے انگوٹھے کی تصدیق کی فیس میں 150 فیصد اضافہ کردیاتھمب ویری فکیشن پہلے دس روپے اب پچیس روپے میں ہوگی۔تفصیلات کے مطابق نادرا کی جانب سے شناختی کارڈکی قیمتوں میں اضافے کے بعد نادرا حکام نے نیا فیصلہ سنا دیاہے جس کے مطابق شناختی کارڈ بانے والوں کو انگھوٹھے کی تصدیق کے لئے اضافی 25روپے ادا کرنے ہوں گے۔ اس سلسلے میں بتایا جا رہاہے کہ اضافے کا مقصد نادرا کو درپیش مالی مسائل سے نکالنا ہے۔

سوات (ویب ڈیسک) گزشتہ روز پشتون تحفظ موومنٹ کے جلسہ میں شریک نوجوان کو جلسہ گاہ میں پاکستانی پرچم لہرانے سے روکدیا گیا بلکہ کچھ کارکنوں نے اسے زبردستی وہاں سے باہر نکل جانے کا کہا۔ نوجوان کے مطابق اسے کہا گیا کہ پاکستانی جھنڈا لہرا کر بدمزگی پیدا نہ کرو۔

اسلام آباد (ویب ڈیسک) سابق وزیر اعظم نواز شریف کا کہنا ہے کہ ان کے ایجنڈے کو 10 بیس سال مل جائیں تو پاکستان کی تصویر بدل سکتی ہے، پنجاب اور دیگر صوبوں میں جو کچھ ہوا اس کا موازنہ نہیں کیا جاسکتا۔ انہوں نے پی ٹی آئی کے جلسے پر تبصرہ کرتے ہوئے کہا شہر لہور دا، مجمع پشور دا تے ایجنڈا کسے ہور دا۔احتساب عدالت کے باہر میڈیا سے گفتگو کرتے ہوئے مسلم لیگ ن کے تاحیات قائد نواز شریف نے کہا کہ پی ٹی آئی کا جلسہ شہر لہور دا، مجمع پشور دا تے ایجنڈا کسے ہور دا کی منہ بولتی تصویر ہے۔ ان کے کھوکھلے نعرے ہم پچھلے کئی سالوں سے سن رہے ہیں لیکن جب واسطہ پڑا تو پتا لگا، جو کچھ کے پی میں ہوا دنیا کو پتا چل گیا ہے، پنجاب کے مقابلے میں تینوں صوبوں کا دور دور تک کوئی موازنہ اور مقابلہ نظر نہیں آتا، فرق صاف ظاہر ہے کہ مسلم لیگ جب بھی آئی ہے اس نے ہمیشہ ترقی کے ایجنڈے پر عمل کیا ہے۔