تازہ تر ین

جنڈ میں زیادتی کا شکار 8 سالہ معصوم بچی انصاف کےلئے سپریم کورٹ پہنچ گئی

اسلام آباد (صباح نیوز) ضلع اٹک کی تحصیل جنڈ میں زیادتی کا شکار ہونے والی آٹھ سالہ معصوم بچی انصاف کے لئے سپریم کورٹ پہنچ گئی۔ چیف جسٹس سے واقعہ کا ازخودنوٹس لینے کے لئے حقوق انسانی سیل میں درخواست جمع کرا دی۔ بدھ کو عدالت عظمیٰ میں دائر کی گئی درخواست میں زیادتی کا شکار بچی کی بیوہ ماں شرمینہ بی بی کا کہنا ہے کہ اس کی بچی دوسری کلاس کی طالبہ ہے جسے محلے دار نے زیادتی کا نشانہ بنایا۔25 فروری 2018ءکو وقوعہ کے بعد فوری طور پر پولیس موقع پر پہنچی۔ ملزم ناصر اقبال کو درجنوں افراد نے دیکھا اور اس کے گھر والوں نے مقدمہ نہ درج کرانے کی درخواست دی تھی۔ والدہ کا کہنا تھا کہ پولیس اور مقامی ڈاکٹر نے ملزم سے مل کر کیس خراب کر دیا جس کی وجہ سے ملزم ضمانت پر رہا ہو گیا۔ غریب اور بیوہ عورت ہوں۔ چیف جسٹس ازخود نوٹس لے کر انصاف دیں۔ خاتون کا کہنا تھا کہ ملزم کو نہ روکا گیا تو میری دیگر بچیوں کو بھی خطرہ ہے۔ عدالت عظمیٰ میں بیوہ ماں اور آٹھ سالہ معصوم بچی چیف جسٹس سے اپیل کرتے ہوئے آبدیدہ ہو گئیں۔



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv