پاک فضائیہ کی جے ایف 17 تھنڈر سے لیس نئی اسکواڈرن قائم

کوئٹہ(ویب ڈیسک)پاک فضائیہ نے جے ایف 17 تھنڈر سے لیس نئی ملٹی رول اسکوارڈن قائم کردی۔پاک فضائیہ نے ملک کی دفاعی صلاحیتوں میں اضافے کا ایک اور سنگ میل عبور کرلیا ہے اور جے ایف 17 تھنڈر سے لیس نئے ملٹی رول اسکواڈرن کا قیام عمل میں لایا گیا ہے۔اس حوالے سے کوئٹہ میں پی اے ایف سمنگلی بیس پر تقریب منعقد کی گئی جس میں پاک فضائیہ کے سربراہ ایئر چیف مارشل سہیل امان نے بطور مہمان خصوصی شرکت کی۔اسکواڈرن کو ’نمبر 28‘ ملٹی رول سکواڈرن کا نام دیا گیا ہے جس کا نعرہ ’خودی کو جس نے فلک سے بلند تر دیکھا‘ رکھا گیا ہے۔تقریب میں ایئر چیف نے سکواڈرن کے آفیسر کمانڈنگ ونگ کمانڈر عامر عمران چیمہ کو اسکواڈرن کا نشان عطا کیا جبکہ اس موقع پر 4 جے ایف 17 تھنڈر طیاروں کی فارمیشن نے فلائی پاسٹ کا شاندار مظاہرہ بھی پیش کیا۔ہمارا عزم غیر متزلزل اور مقصد بالکل واضح ہے، ایئر چیف مارشل سہیل امان ایئر چیف سہیل امان نے تقریب سے خطاب کرتے ہوئے کہا کہ ہمیں پاکستان کے دشمنوں کی سازشوں کا بخوبی ادراک ہے لیکن ہمارا عزم غیر متزلزل ہے اور مقصد بالکل واضح ہے۔انہوں نے کہا کہ ہم ایک امن پسند قوم ہیں اور نہیں چاہتے کہ کوئی ہماری فضائی حدود کی خلاف ورزی کرے۔ان کا کہنا تھا کہ ہم نے دہشت گردی کے ناسور کو جڑ سے اکھاڑنے کے لیے ہر ممکن کوشش کی ہے اور اللہ تعالی کے فضل و کرم سے ہماری جدوجہد کے صلے میں ملک میں امن کی بحالی ممکن ہوئی ہے۔ایئر چیف نے مزید کہا کہ میں قوم کو یقین دلانا چاہتا ہوں کہ ان کٹھن حالات کے باوجود ہمارا عزم غیر متزلزل ہے اور ہم کسی بھی فضائی خلاف ورزی کی صورت میں اس کا دفاع کرنے کی بھرپور صلاحیت رکھتے ہیں۔ان کا کہنا ہے کہ بلوچستان ایک عظیم صوبہ ہے اور ہم سب کے لیے نہایت اہمیت کا حامل ہے، یہاں کے لوگوں کا رویہ دوستانہ اور جذبہ حب الوطنی سے بھرپور ہے جن کے کردار کو وطن کی ترقی میں نظر انداز نہیں کیا جا سکتا۔سی پیک کی اہمیت کا حوالہ دیتے ہوئے ائیر چیف کا کہنا تھا کہ یہ منصوبہ ملکی ترقی میں ایک اہم سنگ میل کی حیثیت رکھتا ہے، جو انشائ اللہ نہ صرف بلوچستان بلکہ پورے ملک کی تاریخ اور حالت کو بدل دے گا۔



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv